اقش پرەزيدەنتٸ دونالد ترامپ سولتٷستٸك كورەيا تاراپىنان جاسالۋى ىقتيمال "ويسىز ٸس-ەرەكەتكە" قارسى اقش ارميياسى "ساقاداي ساي تۇر" دەپ مەلٸمدەدٸ. Twitter ەلەۋمەتتٸك جەلٸسٸندەگٸ پاراقشاسىندا ترامپ سولتٷستٸك كورەيا ليدەرٸ كيم چەن ىن قازٸرگٸ باعىتىنان باس تارتار دەگەن ٷمٸت بٸلدٸرگەن.
بۇعان دەيٸن سولتٷستٸك كورەيانىڭ مەملەكەتتٸك اقپارات اگەنتتٸگٸ اقش باسشىسىن "شيەلەنٸستٸ ۋشىقتىرىپ وتىر" دەپ ايىپتاعان.
جۇما كٷنٸ Associated Press اگەنتتٸگٸ اقش پەن سولتٷستٸك كورەيانىڭ جوعارى دەڭگەيدەگٸ ٶكٸلدەرٸ جاسىرىن ديپلوماتييالىق بايلانىسقا شىققانى تۋرالى حابارلاعان. اگەنتتٸكتٸڭ دەرەك كٶزٸنٸڭ ايتۋىنشا, اقش-تىڭ سولتٷستٸك كورەيا بويىنشا ارنايى ٶكٸلٸ مەن بۇۇ جانىنداعى سولتٷستٸك كورەيا ميسسيياسى قىزمەتكەرٸنٸڭ حات الماسۋى ەكٸ جاق اراسىنداعى شيەلەنٸستٸ بەسەڭسٸتە الماعانىمەن, ماڭىزدى كەلٸسسٶزدەر باستاۋعا نەگٸز بولا الادى. سولتٷستٸك كورەيا بۇل اقپاراتقا قاتىستى ەزٸرشە تٷسٸنٸكتەمە بەرگەن جوق.
سوڭعى ۋاقىتتا ۆاشينگتون مەن پحەنياننىڭ بٸر-بٸرٸنٸڭ اتىنا ايتقان قاتقىل مەلٸمدەمەلەرٸ ەلەمنٸڭ كٶپتەگەن ەلدەرٸنٸڭ الاڭداۋشىلىعىن تۋعىزعان. گەرمانييا, قىتاي جەنە رەسەي ەكٸ تاراپتى سابىرعا شاقىرعان.
اقش پەن وڭتٷستٸك كورەيا بولسا تامىزدا كەڭ كٶلەمدٸ بٸرلەسكەن ەسكەري جاتتىعۋ ٶتكٸزۋگە دايىندىقتى جالعاستىرا بەرەتٸندٸگٸن مەلٸمدەگەن. سولتٷستٸك كورەيا بۇل جاتتىعۋلاردى "سوعىسقا ەزٸرلەنۋ" دەپ اتاعان ەدٸ.
پحەنياننىڭ حالىقارالىق "يادرولىق وقتۇمسىقتى اقش اۋماعىنا دەيٸن جەتكٸزە الاتىن" بالليستيكالىق زىمىران سىناقتارىن ٶتكٸزگەنٸ ٷشٸن بۇۇ قاۋٸپسٸزدٸك كەڭەسٸ تامىزدىڭ 5-ٸ كٷنٸ سولتٷستٸك كورەياعا قارسى سانكتسييالاردى كٷشەيتۋ تۋرالى قارار قابىلداعان. پحەنيان حالىقارالىق قاۋىمداستىق تالابىنا مويىنسۇنباي وتىر.
