اقش پرەزيدەنتٸ دونالد ترامپ بيۋدجەتتٸك داعدارىسقا بايلانىستى داۆوستا ٶتەتٸن دٷنيەجٷزٸلٸك ەكونوميكالىق فورۋمعا (دەف) امەريكالىق دەلەگاتسييانى جٸبەرمەدٸ. بۇل تۋرالى اق ٷيدٸڭ باسپاسٶز حاتشىسى سارا سوندەرس تاراتقان حابارلامادا ايتىلعان.
«800 مىڭ امەريكالىق قىزمەتكەردٸڭ جالاقاسىن الا الماي وتىرعانىنا بايلانىستى, سونداي-اق كومانداسىنىڭ جۇمىسىن تيٸستٸ دەرەجەدە قامتاماسىز ەتۋ ماقساتىندا ترامپ ٶز دەلەگاتسيياسىن شۆەيتسارييانىڭ داۆوس قالاسىندا ٶتەتٸن دٷنيەجٷزٸلٸك ەكونوميكالىق فورۋمعا (دەف) جٸبەرمەيدٸ», - دەدٸ ول.
باسىندا دەف-قا اقش دەلەگاتسيياسىن ترامپ ٶزٸ باستاپ باراتىنداي بولعان. بٸراق 10 قاڭتاردا ول Twitter-دە بۇل ساپاردى اق ٷي مەن اقش كونگرەسٸنٸڭ امەريكا-مەكسيكالىق شەكاراداعى باقىلاۋدى كٷشەيتۋ تۋرالى تالاسىنان كەيٸن بولدىرمايتىنىن جازعان.
كەيٸن امەريكالىق ەكٸمشٸلٸكتٸڭ ەكٸ ٶكٸلٸ دەلەگاتسييانى قارجى مينيسترٸ ستيۆەن منۋچين جەنە اقش مەملەكەتتٸك حاتشىسى مايكل پومپەو باستاپ باراتىنىن حابارلادى.
ٶتكەن جىلدىڭ 22 جەلتوقسانىنان بەرٸ اقش-تا بيۋدجەتتە قاراجاتتىڭ بولماۋىنا بايلانىستى فەدەرالدى ٷكٸمەتتٸڭ جۇمىسى ٸشٸنارا توقتاتىلعان. بۇل - رەسپۋبليكالىقتار مەن دەموكراتتاردىڭ كونگرەستە بيۋدجەت پارامەترلەرٸن كەلٸسە الماۋىنان باستاۋ العان داۋ. ترامپ پەن ونىڭ پارتييالاس جاقتاستارى مەكسيكا مەن شەكارادا قامال تۇرعىزۋعا اقشا بٶلۋدٸ بيۋدجەتتٸڭ شىعىندارىنا قوسقىسى كەلەدٸ.
دەموكراتتار فەدەرالدى قازىنادان بۇل ماقساتقا اقشا بٶلۋدٸ ەشقاشان قولدامايتىنىن حابارلاپ وتىر. ترامپتىڭ ەكٸمشٸلٸگٸ بۇل ماقساتقا بيۋدجەتتەن 5,7 ملدر دوللاردى تالاپ ەتكەن-تٸن.
