اقش پرەزيدەنتٸ دونالد ترامپ 15 ادامعا راقىمشىلىق جاسادى. امنيستيياعا ٸلٸنگەندەر اراسىندا 2016 جىلى اقش-تاعى پرەزيدەنت سايلاۋىنا رەسەيدٸڭ ارالاسۋى تۋرالى ٸستە تەرگەۋ ورىندارىنا جالعان اقپارات بەردٸ دەپ تانىلىپ, قىسقا مەرزٸمدٸك تٷرمە جازاسىن العان ەكٸ ادام بار. ترامپ سونىمەن بٸرگە بەس ادامنىڭ جازاسىن جەڭٸلدەتكەن.
راقىمشىلىققا ٸلٸنگەندەردٸڭ بٸرٸ - ترامپتىڭ سايلاۋالدى شتابىنىڭ ٸشكٸ ساياسات جٶنٸندەگٸ بۇرىنعى كەڭەسشٸسٸ دجوردج پاپادوپۋلوس 2016 جىلعى سايلاۋ كامپانيياسى كەزٸندە رەسەيلٸكتەرمەن بايلانىسى تۋرالى اقش فەدەرالدىق تەرگەۋ بيۋروسىنا جالعان كۋەلٸك بەرگەنٸ ٷشٸن 14 تەۋلٸككە قامالعان. ول جازاسىن 2018 جىلى ٶتەپ شىققان. ودان كەيٸن بٸر جىلعا پروباتسييالىق باقىلاۋمەن بوستاندىققا شىققان.
اق ٷي سول كەزدە پاپادوپۋلوس ارنايى پروكۋرور روبەرت ميۋللەردٸڭ تەرگەۋٸ بارىسىندا “جالعان اقپارات بەرگەنٸ ٷشٸن” ايىپتالدى دەپ مەلٸمدەگەن. ال ترامپ ٸستٸڭ ساياسي استارى بارىن ايتقان.
"بۇل راقىمشىلىق ميۋللەر كومانداسىنىڭ كٶپتەگەن ادامعا تيگٸزگەن كەسٸرٸن جۋىپ-شايۋعا كٶمەتەسەدٸ" دەلٸنگەن اق ٷيدٸڭ 22 جەلتوقسان كٷنٸ تاراتقان حابارلاماسىندا.
ترامپ سونىمەن بٸرگە رەسەيلٸك ميللياردەر, "الفا-گرۋپپ" كومپانييالار توبىنىڭ اكتسيونەرٸ گەرمان حاننىڭ نيدەرلاندتىق كٷيەۋبالاسى 36 جاستاعى الەكس ۆان دەر زۆااندى دا كەشٸردٸ. ول ترامپتىڭ سايلاۋالدى شتابىنىڭ بۇرىنعى جەتەكشٸسٸ پول مانافورتقا جۇمىس ٸستەگەن. كەيٸنٸرەك ميۋللەر تەرگەۋٸ كەزٸندە ترامپ شتابىمەن بايلانىسىن جاسىردى دەپ تانىلىپ, 30 كٷنگە قاماۋعا الىنعان, 20 مىڭ دوللار ايىپپۇل العان.
شامامەن ەكٸ جىلعا جالعاسقان تەرگەۋ كەزٸندە روبەرت ميۋللەر رەسەيدٸڭ امەريكاداعى سايلاۋعا حاكەرلٸك شابۋىلدار مەن ەلەۋمەتتٸك جەلٸدە جالعان اقپارات تاراتۋ ارقىلى ارالاسقانىنا دەلەل تاپتى. الايدا پروكۋرور ترامپ پەن ونىڭ جاقتاستارىنىڭ رەسەيمەن سٶز بايلاسقانىن ايعاقتاي المادى.
اقش-تا ٶكٸلەتٸ اياقتالار تۇستا پرەزيدەنتتەردٸڭ جاقىن سەرٸكتەرٸ مەن جاقتاستارىنا راقىمشىلىق جارييالاۋى جيٸ كەزدەسەدٸ. ترامپ الدىڭعى پرەزيدەنتتەرگە قاراعاندا سەرٸكتەرٸنە سيرەك راقىمشىلىق جاساعان.
