تويدا بيلەپ, ٶنەر كٶرسەتكەن ەر ادام جەلٸ قولدانۋشىلارىن تەنتٸ ەتتٸ, - دەپ حابارلايدى Tengrinews.kz تٸلشٸسٸ.
ۆيدەوداعى ەر ادام - الماتى تۇرعىنى مۇحتار ايتبەكتەگٸ ەسٸمدٸ ازامات بولىپ شىقتى. جاسى 46-دا. جەلٸ قولدانۋشىلارى ونى ەنشٸ داستان ورازبەكوۆكە ۇقساتقان.
"كٶڭٸلٸن كٶتەرٸپ بيلەگەندە تۇرعان ەشتەڭەسٸ جوق, جاراسىپ تۇر", "بٸراز جاسقا كەلٸپ, وسىلاي قيمىل جاساپ تۇر, دىم دا ەرسٸ ەمەس, قىزىعىپ وتىرمىن", "داستان ورازبەكوۆكە ۇقساتتىم, جارايسىز", - دەيدٸ جەلٸ قولدانۋشىلارى.
مۇحتار ايتبەكتەگٸنٸڭ ايتۋىنشا, جەلٸدە تاراعان ۆيدەو قاپشاعايدا تۋىستارىنىڭ بٸرٸنٸڭ تويىندا تٷسٸرٸلگەن.
"بۇل ۆيدەو قاپشاعاي قالاسىندا جەڭگەمنٸڭ 50 جىلدىق مەرەيتويىندا تٷسٸرٸلگەن. سول تويعا اتا-انامدى اپارعام. كەيٸن اعا-جەڭگەم "بٸر بيلەپ بەرشٸ" دەپ قولقا سالدى, كٶڭٸلدەرٸن قالدىرمايىن دەپ بيلەپ بەردٸم. بٸراق جەلٸگە كٸم سالعانىن بٸلمەيمٸن", - دەدٸ ول.
مۇحتار بيدٸ جاقسى كٶرەتٸنٸ سونشالىق, كەز كەلگەن ەۋەنگە بيلەي بەرەتٸنٸن ايتتى.
"جاس كەزدە اۋىلدا جٷرگەندە "كار-مەن" توبى مەن مايكل دجەكسون كۋميرٸم بولدى. شىنىمدى ايتسام, بيدٸ قاتتى جاقسى كٶرەم, كەز كەلگەن مۋزىكاعا بيلەي بەرەم. ىرعاقتى ۇستاساڭ بولدى, بي ٶزٸ شىعا بەرەدٸ. تارازدا 18 جاسىمدا بيگە ەلٸكتەدٸم, كەيٸن ەسكەري ٶمٸرگە بەت بۇردىم. 2 اي عانا بيگە قاتىستىم", - دەدٸ ول.
مۇحتاردىڭ ايتۋىنشا, كەسٸبي تٷردە بيمەن اينالىسىپ كٶرمەگەن. ٶزٸن داستان ورازبەكوۆكە ۇقساتقان جەلٸ قولدانۋشىلارىنا ونىڭ ٶنەرٸ ۇنايتىنىن, بٸراق ەلٸكتەمەگەنٸن ايتتى.
"بي دەگەن سپورتتىڭ بٸر تٷرٸ دەۋگە دە بولادى. بيلەر الدىندا دەنەنٸ قىزدىرىپ, جاتتىعىپ الۋ كەرەك. بيلەسەڭ كٶڭٸلٸڭ دە كٶتەرٸلەدٸ عوي. داستان ٸنٸمٸزدٸڭ بيٸ ۇنايدى. ٶتە كەرەمەت قيمىلدار ٸستەيدٸ", - دەدٸ ول.
مۇحتار - ۇلتتىق ۇلاننىڭ زەينەتكەرٸ. 22 جىل وسى سالادا قىزمەت ەتكەن. ونىڭ بيگە دەگەن قىزىعۋشىلىعى كۆن ويناعان كەزٸندە دە كٶرٸنگەن.
"كۆن وينادىم. 1998 جىلى الماتىدا جوعارى بٸلٸم بەرەتٸن ينستيتۋتتارمەن ويناپ, ٸشكٸ ەسكەر كومانداسى بولىپ 1 ورىن الدىق. قويىلىم كەزٸندە بي جاعى مەنەن بولاتىن", - دەپ كٷلٸپ ەسكە الدى ول.
