ەنشٸ, كومپوزيتور, قازاقستاننىڭ حالىق ەرتٸسٸ التىنبەك قورازباەۆ قازاقستان حالقىن جاڭا جىل مەرەكەسٸندە كارانتين تالاپتارىن ساقتاۋعا شاقىرىپ, پٸكٸر بٸلدٸردٸ, دەپ حابارلايدى "ۇلت اقپارات".
«مەرەكە قارساڭىندا تۇرمىز. سوندىقتان بارشا قازاقستاندىقتاردى ساقتىق شارالارىن قاتاڭ تٷردە ساقتاۋعا شاقىرامىن. كٶرشٸلەس رەسەي ەلٸندە بارلىق شارالاردى ٶتكٸزۋگە تىيىم سالدى. بٸزدە دە كارانتين كٷشەيٸپ كەلەدٸ. حالقىمىز امان بولسا, ەلٸ تالاي تويعا بارادى, مەرەكەنٸ اتاپ ٶتەدٸ. الدىمىزدا قازاق حالقىنىڭ جاڭا جىلى - ناۋرىز مەرەكەسٸ كەلە جاتىر. ول ۋاقىتقا دەيٸن ٸندەتتٸڭ بەتٸ قايتىپ, جاعداي جاقسارادى دەگەن ٷلكەن ٷمٸت بار. توي تويلاۋعا اسىقپايىق. تەرتٸپكە باعىنىپ, اق حالاتتى ابزال جانداردىڭ كٷندەلٸكتٸ ايتىپ جاتقان ساقتىق شارالارى تۋرالى اقىل-كەڭەسٸنە نازار سالايىق», - دەدٸ التىنبەك قورازباەۆ.
قازاقستاننىڭ حالىق ەرتٸسٸ قازاق حالقىن جاڭا جىل مەرەكەسٸمەن قۇتتىقتاپ, كەلەر جىلى ەر وتباسىعا تابىس پەن بٸرلٸك تٸلەدٸ.
