كوروناۆيرۋس ينفەكتسيياسىنىڭ تارالۋىن بولدىرماۋ جەنە وقشاۋلاۋ شارالارىن كٷشەيتۋ ماقساتىندا ەلٸمٸزدەگٸ حالىققا قىزمەت كٶرسەتۋ ورتالىقتارىنىڭ جۇمىسى ۋاقىتشا توقتادى. مۇنداي تاپسىرمانى مەملەكەت باسشىسى قاسىم-جومارت توقاەۆ بەرگەن بولاتىن, دەپ حابارلايدى "ۇلت اقپارات".
بٷگٸنگٸ تاڭدا قازاقستاندىقتارعا مەملەكەتتٸك قىزمەتتەردٸڭ 80% «ەلەكتروندىق ٷكٸمەت» پورتالى ارقىلى قولجەتٸمدٸ, سونداي-اق قاجەتتٸ انىقتامالاردى eGov Mobile موبيلدٸك قوسىمشاسى جەنە Telegram-داعى egovkzbot2.0 بوتى ارقىلى الۋعا بولادى.
حقو-نىڭ تەجٸريبەلٸ جەنە ارنايى وقۋدان ٶتكەن 1800-دەن استام قىزمەتكەرٸ, سونىڭ ٸشٸندە الماتى فيليالىنىڭ 50 قىزمەتكەرٸ «1414» بايلانىس ورتالىعىنىڭ كەڭەس بەرۋشٸلەرٸمەن بٸرگە ازاماتتارعا مەملەكەتتٸك قىزمەتتەردٸ ونلاين تٷردە الۋ بويىنشا كٶمەك كٶرسەتەتٸن بولادى.
بٸر ۋاقىتتا بايلانىس ورتالىعىنىڭ ماماندارى مىڭنان استام ازاماتقا كەڭەس بەرە الادى دەپ جوسپارلانۋدا. بايلانىس ورتالىقتارى دٷيسەنبٸدەن سەنبٸگە دەيٸن تاڭعى 9.00-دەن كەشكٸ 20.00-گە دەيٸن جۇمىس ٸستەيدٸ. قوڭىراۋ شالۋ تەگٸن.
بۇدان بٶلەك, «ازاماتتارعا ارنالعان ٷكٸمەتتٸڭ» 200-دەن استام قىزمەتكەرٸ, ونىڭ ٸشٸندە الماتى قالاسى فيليالىنىڭ 30 مامانى بەينەقوڭىراۋ ارقىلى قىزمەت الۋشىلاردى موبيلدٸك ازاماتتار بازاسىندا تٸركەيتٸن بولادى.
سونىمەن قاتار, الماتى فيليالىنىڭ 50 مامانى قاشىقتان جۇمىس ٸستەپ, ازاماتتارعا ۇيالى تەلەفون ارقىلى ونلاين قىزمەت الۋعا كٶمەكتەسەدٸ. بۇل رەتتە, 21 ناۋرىزعا دەيٸن ٶتٸنٸش بەرٸپ ٷلگەرگەن ازاماتتار قىزمەتتەردٸڭ دايىن نەتيجەسٸن ٶزٸ ٶتٸنٸش بەرگەن حقو-نىڭ قۇجات بەرۋ سەكتورىنان الىپ كەتە الادى.
كٶلٸكتٸ قايتا تٸركەگەن نەمەسە جٷرگٸزۋشٸ كۋەلٸگٸن ونلاين تٷردە اۋىستىرعان اۆتوكٶلٸك يەلەرٸ دايىن قۇجاتتار مەن نٶمٸرلەردٸ ٶز قالالارىنداعى مامانداندىرىلعان حقو-دان الا الادى, دايىن قۇجاتتاردى بەرۋ تەرەزەسٸ جۇمىس ٸستەيدٸ.
دايىن قۇجاتتاردى بەرۋ تەرەزەلەرٸنٸڭ جۇمىس تەرتٸبٸ: دٷيسەنبٸ-جۇما 9.00-دەن 17.00-گە دەيٸن, سەنبٸ ساعات 9.00-دەن 14.00-گە دەيٸن.
«ازاماتتارعا ارنالعان ٷكٸمەت» قازاقستاندىقتارعا بارلىق سانيتارلىق تالاپتاردى ورىنداپ, ٷيدەن شىقپاۋعا كەڭەس بەرەدٸ جەنە كەرەكتٸ مەملەكەتتٸك قىزمەتتەردٸ ونلاين الۋعا شاقىرادى.
