تٶتەنشە جاعداي رەجيمٸ كەزەڭٸندە ەلورداعا زاڭسىز كەلگەن 41 ادام قازاقستان اۋماعىنان شىعارىلدى. بۇل تۋرالى نۇر-سۇلتان قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى قازاقپارات.
«قازٸرگٸ ۋاقىتتا ەلوردادا جاعداي تۇراقتى. قۇقىق قورعاۋ ورگاندارى تيٸستٸ قوعامدىق تەرتٸپ پەن ازاماتتاردىڭ قاۋٸپسٸزدٸگٸن قامتاماسىز ەتۋدە. قالا پەريمەترٸ بويىنشا 6 بلوكبەكەت تەۋلٸكتٸك رەجيمدە جۇمىس ٸستەپ تۇر. بٸر تەۋلٸكتٸڭ ٸشٸندە قالادا 11 قىلمىس, 105 جول-كٶلٸك وقيعاسى تٸركەلدٸ, جاراقات العاندار جوق. تٶتەنشە جاعداي رەجيمٸ جارييالانعاننان بەرٸ بەلگٸلەنگەن رەجيمدٸ بۇزۋ نەمەسە مەملەكەتتٸك ورگان بەلگٸلەگەن تالاپتاردى ورىنداماۋدىڭ 353 فاكتٸسٸ تٸركەلدٸ. كٸنەلٸلەرگە قاتىستى شەشٸمدٸ سوت قابىلدادى», - دەپ اتاپ ٶتەدٸ دەپارتامەنتتەن.
ۆەدومستۆو مەلٸمەتٸنشە, تٶتەنشە جاعداي كەزٸندە ەلوردا كٶشەلەرٸ مەن قوعامدىق ورىنداردا تيٸستٸ قۇقىقتىق تەرتٸپتٸ قامتاماسىز ەتۋ ماقساتىندا نۇر-سۇلتان قالاسىنىڭ پوليتسييا قىزمەتكەرلەرٸ قازاقستان رەسپۋبليكاسىندا بولۋ قاعيدالارىن بۇزعان شەتەلدٸكتەردٸ انىقتاۋ بويىنشا ٸس-شارالار جٷرگٸزۋدە. بازارلاردىڭ, ساۋدا ٷيلەرٸنٸڭ, سۋپەرماركەتتەر مەن قۇرىلىس نىساندارىنىڭ جەنە تاعى باسقا نىسانداردىڭ اۋماعىندا جەرگٸلٸكتٸ-رەيدتٸك ٸس-شارالار ٶتكٸزٸلۋدە.
كٶشٸ-قون زاڭناماسىن بۇزۋدىڭ 1 300-دەن استام فاكتٸسٸ انىقتالدى. ونىڭ ٸشٸندە 295 فاكتٸسٸ شەتەل ازاماتتارى تاراپىنان جاسالعان, 41 شەتەل ازاماتى ەلدەن شىعارىلدى. سونىمەن قاتار تٸركەۋسٸز نەمەسە جەكە باسىن كۋەلاندىراتىن قۇجاتتارسىز تۇرىپ جاتقانى جەنە تۇرعىن ٷي يەلەرٸنٸڭ ٶز ٷيلەرٸندە تۇرمايتىن ادامداردى تٸركەۋگە جول بەرگەندەرٸ ٷشٸن قازاقستان رەسپۋبليكاسىنىڭ 940-تان استام ازاماتى جاۋاپقا تارتىلدى.
«ەلٸمٸزدٸڭ كٶشٸ-قون سالاسىنداعى زاڭناماسىن بۇزعانى ٷشٸن شەتەلدٸكتەردٸ قابىلداعان 82 ازامات ەكٸمشٸلٸك جاۋاپقا تارتىلدى. وسى باعىتتاعى جۇمىستار جالعاسۋدا. اتالعان الدىن الۋ ٸس-شاراسىن ٶتكٸزۋ بارىسىندا پوليتسييا قىزمەتكەرلەرٸ ەلدە بولۋ مەرزٸمٸ ٶتكەننەن كەيٸن كەتۋدەن جالتارعان ەكٸ شەتەل ازاماتىن انىقتادى. قۇقىق بۇزۋشىلارعا قاتىستى ەقبتك-نٸڭ 517-بابى 4-بٶلٸگٸ بويىنشا ەكٸمشٸلٸك حاتتاما تولتىرىلدى. ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان اۋدانارالىق سوتتىڭ شەشٸمٸمەن شەتەلدٸكتەر رەسپۋبليكادان تىسقارى جەرگە شىعارىلدى. ۋچاسكەلٸك پوليتسييا ينسپەكتورلارى 5882 جالدامالى تۇرعىن ٷي مەن 490 حوستەلدٸ تەكسەردٸ», - دەلٸنگەن ۆەدومستۆو مەلٸمەتٸندە.
