شەتەل مەملەكەتتەرٸ باسشىلارى قازاقستان پرەزيدەنتٸن تۋعان كٷنٸمەن قۇتتىقتادى, دەپ حابارلادى اقوردانىڭ باسپاسٶز قىزمەتٸ.
قىتاي حالىق رەسپۋبليكاسىنىڭ تٶراعاسى سي تسزينپين نۇرسۇلتان نازارباەۆتى تۋعان كٷنٸمەن قۇتتىقتاپ, قازاقستان مەن قىتاي اراسىنداعى ىنتىماقتاستىقتىڭ دامۋ قارقىنى جوعارى ەكەنٸن اتاپ ٶتتٸ.
"قازاقستان مەن قىتاي – تاتۋ كٶرشٸلەر ەرٸ كٶپ جاقتى ستراتەگييالىق سەرٸكتەستەر. مەن قازاقستان-قىتاي قارىم-قاتىناستارىنىڭ دامۋ بارىسىن جوعارى باعالايمىن جەنە سٸزبەن بٸرلەسە وتىرىپ, ٶزارا قولداۋدى ەرٸ قاراي نىعايتۋعا, "نۇرلى جول" جاڭا ەكونوميكالىق ساياساتى مەن "بٸر بەلدەۋ, بٸر جول" باستاماسىن ۇشتاستىرۋعا باعىتتالعان ىنتىماقتاستىقتى تەرەڭدەتۋگە, ەكٸ ەل حالىقتارىنىڭ يگٸلٸگٸ ٷشٸن جۇمىس ٸستەۋگە دايىنمىن", – دەلٸنگەن جەدەلحاتتا.
***
ٶزبەكستان رەسپۋبليكاسىنىڭ پرەزيدەنتٸ شاۆكات ميرزييوەۆ قازٸرگٸ قازاقستاننىڭ جوعارى جەتٸستٸكتەرٸنٸڭ, تابىستارى مەن جەڭٸستەرٸنٸڭ بەرٸ نۇرسۇلتان نازارباەۆتىڭ اتىمەن تٸكەلەي بايلانىستى ەكەنٸن ايتتى.
"ٶزٸڭٸزدٸ حالىققا ادال قىزمەت ەتۋگە ارناعان, ەلٸڭٸزدٸڭ بولاشاعى مەن ەر ازاماتتىڭ تاعدىرىنا الاڭدايتىن باسشى رەتٸندە تانىتتىڭىز. سٸز شىن مەنٸندەگٸ ادامي جەنە ٸسكەرلٸك قاسيەتتەرٸڭٸزدٸڭ, ەدٸل دە تالاپ قويعىش باسشىعا تەن تالانتىڭىزدىڭ ارقاسىندا تەك قازاقستان مەن بٸزدٸڭ ٶڭٸردە عانا ەمەس, سونداي-اق ودان دا شالعاي جەرلەردە زور قۇرمەت پەن جوعارى بەدەلگە يە بولدىڭىز", – دەلٸنگەن جەدەلحاتتا.
ش.ميرزييوەۆ ەكٸ ەل اراسىنداعى ستراتەگييالىق ەرٸپتەستٸكتٸڭ ەرٸ قاراي دا دەيەكتٸ تٷردە دامىپ, جان-جاقتى نىعايا بەرەتٸنٸنە سەنٸم بٸلدٸردٸ.
***
تەجٸكستان رەسپۋبليكاسىنىڭ پرەزيدەنتٸ ەمومالي راحمون نۇرسۇلتان نازارباەۆتى تۋعان كٷنٸمەن قۇتتىقتاپ, قازاقستاندى ودان ەرٸ ٶركەندەتۋ جەنە دامىتۋ جولىنداعى قىزمەتٸنە تولايىم تابىس تٸلەدٸ.
"تەجٸكستاندا حالىقتارىمىزدىڭ اراسىنداعى تاريحي قارىم-قاتىناستاردىڭ, دوستىق پەن قۇرمەتتٸڭ تۇراقتى دامۋىنا قوسقان سٸزدٸڭ جەكە ٷلەسٸڭٸز جوعارى باعالانادى. بٸز استاناداعى جۋىردا ٶتكەن كەلٸسسٶزدەر مەن كەزدەسۋلەر بارىسىندا تەجٸكستان مەن قازاقستان اراسىنداعى كٶپ جاقتى ىنتىماقتاستىقتى جاڭا ماڭىزدى ۋاعدالاستىقتارمەن نىعايتتىق. ولاردىڭ جٷيەلٸ تٷردە جٷزەگە اسىرىلۋى ەلدەرٸمٸزدٸڭ ستراتەگييالىق سەرٸكتەستٸگٸن جان-جاقتى بەكەمدەۋدٸڭ فاكتورى بولاتىنىنا سەنٸمدٸمٸن", – دەلٸنگەن جەدەلحاتتا.
***
موڭعولييا پرەزيدەنتٸ حالتمااگيين باتتۋلگا ٶزٸنٸڭ قۇتتىقتاۋ جەدەلحاتىندا نۇرسۇلتان نازارباەۆتىڭ قازاقستان مەن موڭعولييا قارىم-قاتىناستارىن دامىتۋعا قوسقان جەكە ٷلەسٸن اتاپ ٶتٸپ, تسينداو قالاسىنداعى شانحاي ىنتىماقتاستىق ۇيىمىنا مٷشە مەملەكەتتەر باسشىلارىنىڭ سامميتٸ بارىسىندا ٶتكەن ەكٸ جاقتى كەزدەسۋدٸڭ نەتيجەلەرٸنە وڭ باعا بەردٸ.
"مەن سٸزدٸڭ ساۋدا-ەكونوميكالىق ىنتىماقتاستىقتى ەرٸ قاراي ٸلگەرٸلەتۋ ٷشٸن بٸزدە زور مٷمكٸندٸكتەر بار دەگەن پٸكٸرٸڭٸزبەن كەلٸسەمٸن. بٸز الداعى ۋاقىتتا اۋىل شارۋاشىلىعى جەنە ٶڭدەۋ ٶنەركەسٸبٸ سالالارىندا ٶزارا بەلسەندٸ ىقپالداستىقتى دامىتۋعا دايىنبىز.
سٸزگە زور دەنساۋلىق, ال دوستاس قازاقستان حالقىنا باق-بەرەكە تٸلەيمٸن!", – دەلٸنگەن جەدەلحاتتا.
