Shetel memleketteri basshylary Qazaqstan prezidentin týǵan kúnimen quttyqtady, dep habarlady Aqordanyń baspasóz qyzmeti.
Qytai Halyq Respýblikasynyń tóraǵasy Si Tszinpin Nursultan Nazarbaevty týǵan kúnimen quttyqtap, Qazaqstan men Qytai arasyndaǵy yntymaqtastyqtyń damý qarqyny joǵary ekenin atap ótti.
"Qazaqstan men Qytai – tatý kórshiler ári kóp jaqty strategiialyq seriktester. Men Qazaqstan-Qytai qarym-qatynastarynyń damý barysyn joǵary baǵalaimyn jáne Sizben birlese otyryp, ózara qoldaýdy ári qarai nyǵaitýǵa, "Nurly jol" jańa ekonomikalyq saiasaty men "Bir beldeý, bir jol" bastamasyn ushtastyrýǵa baǵyttalǵan yntymaqtastyqty tereńdetýge, eki el halyqtarynyń igiligi úshin jumys isteýge daiynmyn", – delingen jedelhatta.
***
Ózbekstan Respýblikasynyń prezidenti Shavkat Mirziioev qazirgi Qazaqstannyń joǵary jetistikteriniń, tabystary men jeńisteriniń bári Nursultan Nazarbaevtyń atymen tikelei bailanysty ekenin aitty.
"Ózińizdi halyqqa adal qyzmet etýge arnaǵan, elińizdiń bolashaǵy men ár azamattyń taǵdyryna alańdaityn basshy retinde tanyttyńyz. Siz shyn mánindegi adami jáne iskerlik qasietterińizdiń, ádil de talap qoiǵysh basshyǵa tán talantyńyzdyń arqasynda tek Qazaqstan men bizdiń óńirde ǵana emes, sondai-aq odan da shalǵai jerlerde zor qurmet pen joǵary bedelge ie boldyńyz", – delingen jedelhatta.
Sh.Mirziioev eki el arasyndaǵy strategiialyq áriptestiktiń ári qarai da dáiekti túrde damyp, jan-jaqty nyǵaia beretinine senim bildirdi.
***
Tájikstan Respýblikasynyń prezidenti Emomali Rahmon Nursultan Nazarbaevty týǵan kúnimen quttyqtap, Qazaqstandy odan ári órkendetý jáne damytý jolyndaǵy qyzmetine tolaiym tabys tiledi.
"Tájikstanda halyqtarymyzdyń arasyndaǵy tarihi qarym-qatynastardyń, dostyq pen qurmettiń turaqty damýyna qosqan Sizdiń jeke úlesińiz joǵary baǵalanady. Biz Astanadaǵy jýyrda ótken kelissózder men kezdesýler barysynda Tájikstan men Qazaqstan arasyndaǵy kóp jaqty yntymaqtastyqty jańa mańyzdy ýaǵdalastyqtarmen nyǵaittyq. Olardyń júieli túrde júzege asyrylýy elderimizdiń strategiialyq seriktestigin jan-jaqty bekemdeýdiń faktory bolatynyna senimdimin", – delingen jedelhatta.
***
Mońǵoliia prezidenti Haltmaagiin Battýlga óziniń quttyqtaý jedelhatynda Nursultan Nazarbaevtyń Qazaqstan men Mońǵoliia qarym-qatynastaryn damytýǵa qosqan jeke úlesin atap ótip, Tsindao qalasyndaǵy Shanhai yntymaqtastyq uiymyna múshe memleketter basshylarynyń sammiti barysynda ótken eki jaqty kezdesýdiń nátijelerine oń baǵa berdi.
"Men Sizdiń saýda-ekonomikalyq yntymaqtastyqty ári qarai ilgeriletý úshin bizde zor múmkindikter bar degen pikirińizben kelisemin. Biz aldaǵy ýaqytta aýyl sharýashylyǵy jáne óńdeý ónerkásibi salalarynda ózara belsendi yqpaldastyqty damytýǵa daiynbyz.
Sizge zor densaýlyq, al dostas Qazaqstan halqyna baq-bereke tileimin!", – delingen jedelhatta.
