"الماتىگاز" ابونەنتتٸك ەسەپتەۋ ورتالىعىنىڭ 100-گە جۋىق مامانى ايلىقتى كٶتەرۋدٸ تالاپ ەتٸپ, نارازالىلىق بٸلدٸردٸ, - دەپ حابارلايدى Tengrinews.kz تٸلشٸسٸ كتك تەلەارناسىنا سٸلتەمە جاساپ.
قالا ٸشٸندەگٸ ٷيلەرگە كٶگٸلدٸر وتىندى قوسىپ, اقاۋ شىققان گاز قۇبىرىن جٶندەيتٸن سلەسار مەن تەحنيكتەر 90 مىڭ تەڭگە جالاقى اي سايىن ازىق-تٷلٸكتەن ارتىلمايدى دەپ قىنجىلدى. وعان قوسا جۇمىسشىلار جول شىعىنى مەن قۇرال-سايماندى ساتىپ الۋ ٷشٸن دە ٶز قالتاسىنان قاراجات شىعارادى ەكەن.
"بٸزگە تٶرت اي بولدى. وسىلاي جينالامىز. قويا تۇرىڭدار دەيدٸ. 09.15 تاعى بٸر اي ۋاقىت بەرٸڭدەر دەيدٸ. بٸز بٸر اي ۋاقىت كٷتٸپ شارشادىق. ايلىعىمىز نەسيەمٸزگە جەتپەيدٸ. تاماق, بالا-شاعا بار. اناۋ-مىناۋ تٶلەيتٸنٸمٸز بار. جاعدايىمىز جەتپەي جاتىر. جولىمىزعا تٶلەمەيدٸ. جەكە كٶلٸك بەرمەيدٸ. ٶزٸمٸزدٸڭ كٶلٸكپەن اقشا قۇيىپ بارامىز ٷيلەرگە", - دەيدٸ سلەسار ەلامان جانەبٸل.
تاۋى شاعىلعان جۇمىسشىلار تاڭنان قارا كەشكە دەيٸن الماتىداعى ٷيلەردٸ ارالاپ, گاز قۇبىرىن جٶندەيدٸ, تەكسەرەدٸ, اقاۋ شىقسا قالپىنا كەلتٸرەدٸ. وعان قوسا سان تٷرلٸ قۇجات تولتىرۋ مٸندەتٸ دە وسى سلەسار مەن تەحنيكتەردٸڭ موينىنا جٷكتەلگەن. قاعازباستىلىقتان شارشاعان جۇمىسشىلار جول شىعىنىنان بٶلەك قاجەتتٸ قۇرال-سايماندى دا ٶز قاراجاتىمىزعا ساتىپ الامىز دەپ كەيٸدٸ.
تەلەارنا مەلٸمەتٸنشە, ٷيلەرٸنە كٶگٸلدٸر وتىن تارتقان تۇرعىندارعا قىزمەت كٶرسەتەتٸن ماماندار توز-توزى شىققان عيماراتتا وتىرادى. جۇمىس ٸستەۋگە مٷلدەم جاعداي جاسالماعان دەپ شۋلاعان جۇمىسشىلاردىڭ ورتاسىنان وسى مەكەمەنٸ باسقاراتىن Qazaq Billing سەرٸكتەستٸگٸنٸڭ ديرەكتورى تابىلدى. ەلوردادان ات ارىلتىپ كەلدٸم دەگەن جەكەمەنشٸك كومپانييانىڭ باسشىسى جالاقى مەسەلەسٸن ەكٸ اپتادا شەشەمٸز دەپ انت-سۋ ٸشتٸ.
"كٷن تەرتٸبٸنە ەڭبەكاقىنى كٶتەرۋ, جۇمىس ٸستەۋگە ىڭعايلى جاعداي جاساۋ مەسەلەسٸن قويدىق. مەنٸڭ ويىمشا, 15 كٷندە ناقتى شەشٸمدەر قابىلداي باستايمىز. بارلىعى رەترەتٸمەن بولادى. بيۋدجەت نەگٸزٸ بٶلٸنگەن. بٸراق قارجىنى قايتا بٶلۋ كەرەك بولسا ونى دا قاراستىرامىز", - دەدٸ Qazaq Billing كومپانيياسىنىڭ اتقارۋشى ديرەكتورى دميتريي ماحروۆ.
تٶرت ايدان بەرٸ تالابىمىز ورىندالمادى دەگەن جۇمىسشىلار تٷيٸتكٸلدٸڭ تٷيٸنٸ 15 كٷندە تارقايدى دەگەنگە سەنبەيدٸ. گاز ماماندارى ۋەدە ەتٸلگەن مەرزٸمدە ماڭداي تەر اقىمىز كٶتەرٸلمەسە اشتىق جارييالاپ, نارازىلىق شاراسىن جالعاستىرامىز دەپ تارقاستى.
