"Almatygaz" abonenttik esepteý ortalyǵynyń 100-ge jýyq mamany ailyqty kóterýdi talap etip, narazalylyq bildirdi, - dep habarlaidy Tengrinews.kz tilshisi KTK telearnasyna silteme jasap.
Qala ishindegi úilerge kógildir otyndy qosyp, aqaý shyqqan gaz qubyryn jóndeitin slesar men tehnikter 90 myń teńge jalaqy ai saiyn azyq-túlikten artylmaidy dep qynjyldy. Oǵan qosa jumysshylar jol shyǵyny men qural-saimandy satyp alý úshin de óz qaltasynan qarajat shyǵarady eken.
"Bizge tórt ai boldy. Osylai jinalamyz. Qoia turyńdar deidi. 09.15 Taǵy bir ai ýaqyt berińder deidi. Biz bir ai ýaqyt kútip sharshadyq. Ailyǵymyz nesiemizge jetpeidi. Tamaq, bala-shaǵa bar. Anaý-mynaý tóleitinimiz bar. Jaǵdaiymyz jetpei jatyr. Jolymyzǵa tólemeidi. Jeke kólik bermeidi. Ózimizdiń kólikpen aqsha quiyp baramyz úilerge", - deidi slesar Elaman Janábil.
Taýy shaǵylǵan jumysshylar tańnan qara keshke deiin Almatydaǵy úilerdi aralap, gaz qubyryn jóndeidi, tekseredi, aqaý shyqsa qalpyna keltiredi. Oǵan qosa san túrli qujat toltyrý mindeti de osy slesar men tehnikterdiń moinyna júktelgen. Qaǵazbastylyqtan sharshaǵan jumysshylar jol shyǵynynan bólek qajetti qural-saimandy da óz qarajatymyzǵa satyp alamyz dep keiidi.
Telearna málimetinshe, úilerine kógildir otyn tartqan turǵyndarǵa qyzmet kórsetetin mamandar toz-tozy shyqqan ǵimaratta otyrady. Jumys isteýge múldem jaǵdai jasalmaǵan dep shýlaǵan jumysshylardyń ortasynan osy mekemeni basqaratyn Qazaq Billing seriktestiginiń direktory tabyldy. Elordadan at aryltyp keldim degen jekemenshik kompaniianyń basshysy jalaqy máselesin eki aptada sheshemiz dep ant-sý ishti.
"Kún tártibine eńbekaqyny kóterý, jumys isteýge yńǵaily jaǵdai jasaý máselesin qoidyq. Meniń oiymsha, 15 kúnde naqty sheshimder qabyldai bastaimyz. Barlyǵy retretimen bolady. Biýdjet negizi bólingen. Biraq qarjyny qaita bólý kerek bolsa ony da qarastyramyz", - dedi Qazaq Billing kompaniiasynyń atqarýshy direktory Dmitrii Mahrov.
Tórt aidan beri talabymyz oryndalmady degen jumysshylar túiitkildiń túiini 15 kúnde tarqaidy degenge senbeidi. Gaz mamandary ýáde etilgen merzimde mańdai ter aqymyz kóterilmese ashtyq jariialap, narazylyq sharasyn jalǵastyramyz dep tarqasty.
