قازاقستاندىق بوكسشى تٶرەحان سابىرحان جاپونييانىڭ ايچي–ناگويا قالالارىندا ٶتٸپ جاتقان حح جازعى ازييا ويىندارىندا چەمپيون اتاندى, دەپ حابارلايدى ult.kz.
70 كەلٸگە دەيٸنگٸ سالماقتا ٶنەر كٶرسەتكەن تٶرەحان سابىرحان فينالدا يوردانييا ٶكٸلٸ ز. يشاشپەن كەزدەستٸ. جەكپە-جەك قورىتىندىسى بويىنشا تٶرەشٸلەر قازاقستاندىق بوكسشىنىڭ جەڭٸسٸن بٸراۋىزدان قولداپ, ەسەپ 5:0 بولدى.
بۇل — قازاقستان بوكسشىلارىنىڭ ازييا ويىندارىنداعى 12 جىل ٸشٸندەگٸ العاشقى التىن مەدالٸ.
قازاقستان قۇراماسى بۇعان دەيٸن بوكستان 2014 جىلى ينچحوندا ٶتكەن ازييا ويىندارىندا چەمپيون اتانعان ەدٸ. ال 2018 جىلى دجاكارتادا جەنە 2022 جىلى حانچجوۋدا ٶتكەن جارىستاردا قازاقستاندىق بوكسشىلار التىن مەدال يەلەنە المادى.
تٶرەحان سابىرحان — بيىلعى ازييا ويىندارىنا ۇلتتىق قۇرامانىڭ نەگٸزگٸ كٶشباسشىلارىنىڭ بٸرٸ رەتٸندە بارعان سپورتشى. ول 2025 جىلى ليۆەرپۋلدە ٶتكەن World Boxing ۇيىمىنىڭ ەرەسەكتەر اراسىنداعى العاشقى ەلەم چەمپيوناتىندا التىن مەدال جەڭٸپ العان.
سول ەلەم چەمپيوناتىندا قازاقستان قۇراماسى 7 التىن, 1 كٷمٸس جەنە 2 قولا مەدال يەلەنٸپ, جالپىكوماندالىق ەسەپتە بٸرٸنشٸ ورىنعا شىققان.
قازاقستاندا بوكس سپورتىن دامىتۋ باعىتىندا دا جۇمىستار جٷرگٸزٸلٸپ جاتىر. 2026–2030 جىلدارعا ارنالعان بوكستى دامىتۋدىڭ تۇجىرىمداماسى جاتتىعۋ ٷدەرٸسٸن جەتٸلدٸرۋدٸ, سپورت ينفراقۇرىلىمىن دامىتۋدى, مەديتسينالىق جەنە عىلىمي-ەدٸستەمەلٸك سٷيەمەلدەۋدٸ كٷشەيتۋدٸ, سونداي-اق جاتتىقتىرۋشىلار مەن تٶرەشٸلەردٸڭ بٸلٸكتٸلٸگٸن ارتتىرۋدى كٶزدەيدٸ.
قازٸر ەلٸمٸزدە 153 مىڭنان استام ادام بوكسپەن اينالىسادى. بارلىق 20 ٶڭٸردە 2 مىڭنان استام جاتتىقتىرۋشى جۇمىس ٸستەيدٸ. بالالار مەن جاسٶسپٸرٸمدەر سپورت مەكتەپتەرٸندە 39 مىڭنان استام بالا بوكس ٷيٸرمەلەرٸنە قاتىسادى.
وسىلايشا, تٶرەحان سابىرحاننىڭ ازييا ويىندارىنداعى جەڭٸسٸ قازاقستان بوكسىنا 12 جىلدان كەيٸن التىن مەدال سىيلادى
