كەشە, 28 شٸلدەدە توقتار ەۋبەكٸروۆ 80 جاس مەرەي تويىن اتاپ ٶتتٸ, دەپ حابارلايدى ult.kz.
تويدان ٷزٸندٸلەردٸ ەنشٸ زارينا وماروۆا ەلەۋمەتتٸك جەلٸگە جٷكتەدٸ.
«ەل تاريحىندا ەسٸمٸ التىن ەرٸپپەن جازىلعان تۇلعا - توقتار ەۋبەكٸروۆ اعامىز.
80 جاس مەرەي تويىڭىز قۇتتى بولسىن!
اڭىز اعامىزدىڭ عۇمىرى ۇزاق بولسىن دەپ, قۇتتىقتاپ قويىڭىزدار!», - دەپ جازدى ەنشٸ.
ايتا كەتەيٸك, توقتار وڭعاربايۇلى ەۋبەكٸروۆ – قازاق حالقىنىڭ تۇڭعىش عارىشكەرٸ, سىناقشى-ۇشقىش, اۆياتسييا گەنەرال-مايورى, كەڭەس وداعىنىڭ باتىرى جەنە قازاقستاننىڭ حالىق قاھارمانى. ول 1946 جىلدىڭ 27 شٸلدەسٸندە قاراعاندى وبلىسى قارقارالى اۋدانىنداعى بٸرٸنشٸ ماي اۋىلىندا (قازٸرگٸ توقتار اۋىلى) دٷنيەگە كەلگەن. بالالىق شاعىنان-اق اسپان ەلەمٸنە قىزىعىپ, ۇشقىش بولۋدى ارمانداعان. ەڭبەك جولىن تەمٸرتاۋدا توكار بولىپ باستاپ, كەيٸن ارماۆير جوعارى ەسكەري اۆياتسييا ۋچيليششەسٸن تەمامداپ, ەسكەري ۇشقىش اتاندى.
توقتار ەۋبەكٸروۆ اۆياتسييا سالاسىندا ەرەكشە شەبەرلٸگٸمەن كٶزگە تٷسٸپ, ونداعان جاڭا ەسكەري ۇشاقتاردى سىناقتان ٶتكٸزدٸ. ونىڭ باتىلدىعى مەن كەسٸبي بٸلٸكتٸلٸگٸ ٷشٸن 1988 جىلى كەڭەس وداعىنىڭ باتىرى اتاعى بەرٸلدٸ. كەيٸن اۆياتسييا گەنەرال-مايورى دەرەجەسٸنە دەيٸن كٶتەرٸلدٸ.
1991 جىلدىڭ 2 قازانىندا توقتار ەۋبەكٸروۆ بايقوڭىر عارىش ايلاعىنان «سويۋز تم-13» عارىش كەمەسٸمەن عارىشقا ۇشتى. ول «مير» وربيتالىق ستانتسيياسىندا سەگٸز كٷنگە جۋىق ۋاقىت بولىپ, «عارىش–قازاقستان» باعدارلاماسى اياسىندا بٸرنەشە عىلىمي تەجٸريبە جٷرگٸزدٸ. عارىشتا ارال تەڭٸزٸنٸڭ ەكولوگييالىق جاعدايىن باقىلاۋ, مەديتسينالىق-بيولوگييالىق زەرتتەۋلەر مەن باسقا دا عىلىمي جۇمىستار اتقارىلدى. ەكسپەديتسييا 1991 جىلدىڭ 10 قازانىندا سەتتٸ اياقتالدى. وسىلايشا توقتار ەۋبەكٸروۆ قازاقتان شىققان تۇڭعىش, ەلەمنٸڭ 256-شى جەنە كسرو-نىڭ 72-شٸ عارىشكەرٸ رەتٸندە تاريحقا ەندٸ.
قازاقستان تەۋەلسٸزدٸك العاننان كەيٸن توقتار ەۋبەكٸروۆ ەلدٸڭ عارىش سالاسىنىڭ دامۋىنا, عىلىم مەن جاستار تەربيەسٸنە ٷلەس قوستى. 1995 جىلى وعان قازاقستان رەسپۋبليكاسىنىڭ ەڭ جوعارى ماراپاتتارىنىڭ بٸرٸ – «حالىق قاھارمانى» اتاعى بەرٸلدٸ. سونىمەن قاتار ول تەحنيكا عىلىمدارىنىڭ دوكتورى, پروفەسسور اتاندى.
