قازاقستان پرەزيدەنتٸ قاسىم-جومارت توقاەۆ گەرمانيياعا ساپارى كەزٸندە باق ٶكٸلدەرٸنە بەرگەن سۇحباتىندا ۋكرايناداعى ەسكەري ٸس-قيمىلدى ۋاقىتشا دوعارۋ تۋرالى بۇعان دەيٸن ايتقان سٶزٸنٸڭ مەنٸن تٷسٸندٸردٸ, دەپ حابارلايدى ult.kz.
ARD تەلەارناسىنىڭ تٸلشٸسٸ دەميان فون وستەن مەملەكەت باسشىسىنان ومبى قالاسىندا ايتقان مەلٸمدەمەسٸنە قاتىستى پٸكٸر بٸلدٸرٸپ, رەسەيدەگٸ قازٸرگٸ احۋالعا باعا بەرۋدٸ سۇرادى.
پرەزيدەنت ۆلاديمير پۋتيندٸ رەسەي باسشىسى ەرٸ مەملەكەت قايراتكەرٸ رەتٸندە ورتالىق ازييا, ەۋروپا, سونىڭ ٸشٸندە قازاقستان جەنە جالپى ەلەم ٷشٸن ماڭىزدى ساياسي تۇلعا دەپ باعالايتىنىن ايتتى.
«مەن ونى ٶتە جاقسى بٸلەمٸن. ونىڭ بويىنان تاريحى قىم-قيعاش الىپ ەلدٸڭ باسشىسىنا تەن قاسيەتتەردٸڭ بەرٸ تابىلادى. ەل الدىندا تۇرعان كٷردەلٸ ستراتەگييالىق ماقساتتاردى ٶزٸنشە تٷسٸنەدٸ», – دەدٸ قاسىم-جومارت توقاەۆ.
سونىمەن قاتار پرەزيدەنت ۋكرايناداعى جاعداي قازاقستاندى دا الاڭداتاتىنىن اتاپ ٶتتٸ.
«مەن ەۋەل باستان قازاقستان بٸرٸككەن ۇلتتار ۇيىمى جارعىسىنىڭ ەرەجەلەرٸن قاتاڭ ۇستاناتىنىن ايتقانمىن. بٸز بارلىق مەملەكەتتٸڭ اۋماقتىق تۇتاستىعى قاعيداتىن ساقتاۋعا جەنە قۇرمەتتەۋگە ٷندەپ كەلەمٸز», – دەدٸ ول.
توقاەۆ قازاقستاننىڭ ۋكراينا حالقىنا, ونىڭ تاريحى, مەدەنيەتٸ, دەستٷرٸ مەن تٸلٸنە قۇرمەتپەن قارايتىنىن ايتتى.
پرەزيدەنت سوعىستى «دەرەۋ توقتاتۋدى» ۇسىنباعانىن ناقتىلادى. ونىڭ ايتۋىنشا, قازٸرگٸ جاعدايدا مۇنىڭ وڭاي ەمەس ەكەنٸن تٷسٸنەدٸ.
«مەنٸڭ مەڭزەگەنٸم: ۋكراينا اۋماعىنداعى ەسكەري ٸس-قيمىلدى ۋاقىتشا دوعارىپ, ديپلوماتييالىق پروتسەسكە كٶشۋ نەمەسە قانداي دا بٸر كەلٸسسٶز باستاۋ ەدٸ», – دەدٸ مەملەكەت باسشىسى.
