مەملەكەت باسشىسى قاسىم-جومارت توقاەۆ تەلەكٶپٸر ارقىلى «قىزىلوردا – سەكسەۋٸل», «ۇلعايسىن – سەكسەۋٸل» جەنە «بەينەۋ – سەكسەۋٸل» اۆتوجولدارىنىڭ قۇرىلىسىن رەسمي تٷردە باستادى, دەپ حابارلايدى ult.kz.
پرەزيدەنت كٶلٸك-لوگيستيكا سالاسى قازاقستاننىڭ ەكونوميكالىق ٶسٸمٸ مەن ترانزيتتٸك ەلەۋەتٸن ارتتىراتىن نەگٸزگٸ باعىتتاردىڭ بٸرٸ ەكەنٸن اتاپ ٶتتٸ. ونىڭ ايتۋىنشا, ەلدٸڭ باستى ماقساتى – قازاقستاندى ەۋروپا مەن ازييانى جالعايتىن جەتەكشٸ لوگيستيكالىق حابقا اينالدىرۋ.
مەملەكەت باسشىسى سوڭعى جىلدارى كٶلٸك ينفراقۇرىلىمىن دامىتۋ باعىتىندا اۋقىمدى جۇمىستار اتقارىلىپ جاتقانىن ايتتى. بىلتىر «دوستىق – مويىنتى» تەمٸرجولىنىڭ ەكٸنشٸ جەلٸسٸ ٸسكە قوسىلىپ, جٷك تاسىمالى بەس ەسەگە ارتقان. سونىمەن قاتار الماتىنى اينالىپ ٶتەتٸن تەمٸرجول جەلٸسٸ پايدالانۋعا بەرٸلٸپ, جٷك جەتكٸزۋ مەرزٸمٸ قىسقارعان.
پرەزيدەنتتٸڭ مەلٸمەتٸنشە, ٶتكەن جىلى قازاقستاندا 13 مىڭ شاقىرىم اۆتوجول سالىنىپ, جٶندەلسە, ونىڭ 6 مىڭ شاقىرىمى پايدالانۋعا بەرٸلگەن. ال كەلەسٸ جىلى ەلٸمٸزدەگٸ اۆتوكٶلٸك ٶتكٸزۋ بەكەتتەرٸ تولىق جاڭعىرتىلادى.
قاسىم-جومارت توقاەۆ ەسٸرەسە ۇزىندىعى 800 شاقىرىم بولاتىن «بەينەۋ – سەكسەۋٸل» جاڭا جولىنىڭ ماڭىزىن ەرەكشە اتاپ ٶتتٸ. ونىڭ ايتۋىنشا, بۇل باعىت قىتاي شەكاراسىن اقتاۋ جەنە قۇرىق پورتتارىمەن تٸكەلەي بايلانىستىرىپ, قىتاي مەن ەۋروپا اراسىنداعى جٷك تاسىمالىنىڭ جولىن شامامەن 1 مىڭ شاقىرىمعا, ال جەتكٸزۋ ۋاقىتىن ٷش تەۋلٸككە دەيٸن قىسقارتادى. پرەزيدەنت وسىعان بايلانىستى جاڭا دەلٸزدٸ «ارال–كاسپيي ماگيسترالٸ» دەپ اتاۋدى ۇسىندى.
سونداي-اق جالپى ۇزىندىعى 774 شاقىرىم بولاتىن «قىزىلوردا – سەكسەۋٸل» جەنە «ۇلعايسىن – سەكسەۋٸل» باعىتتارى كەڭەيتٸلٸپ, تولىق جاڭعىرتىلادى. جوبالاردى وتاندىق كومپانييالار جٷزەگە اسىرادى. قۇرىلىس جۇمىستارىنا 10 مىڭنان استام ادام تارتىلادى. جولدار پايدالانۋعا بەرٸلگەننەن كەيٸن جٷك تاسىمالىنىڭ كٶلەمٸ 2,5 ەسە ٶسٸپ, جىلىنا 13,2 ميلليون تونناعا جەتەدٸ دەپ كٷتٸلۋدە.
پرەزيدەنت بارلىق قۇرىلىس جۇمىستارىن 2029 جىلدان كەشٸكتٸرمەي اياقتاۋدى تاپسىردى. ونىڭ ايتۋىنشا, بۇل جوبالار ەل ەكونوميكاسىنىڭ دامۋىنا, تۋريزمنٸڭ ٶركەندەۋٸنە جەنە قازاقستاننىڭ حالىقارالىق ترانزيتتٸك ەلەۋەتٸنٸڭ ارتۋىنا ەلەۋلٸ ٷلەس قوسادى.
