قازاقستاننىڭ IT قىزمەتتەرٸنٸڭ ەكسپورتى ٶتكەن جىلى 1 ملرد دوللاردان استى. ال وتاندىق تسيفرلىق شەشٸمدەر ەلەمنٸڭ 100-دەن استام ەلٸندە قولدانىلىپ جاتىر. بۇل تۋرالى پرەزيدەنت قاسىم-جومارت توقاەۆ مەلٸمدەدٸ, دەپ حابارلايدى ult.kz اقورداعا سٸلتەمە جاساپ.
مەملەكەت باسشىسى قازاقستاننىڭ تولىققاندى تسيفرلىق مەملەكەتكە اينالۋ باعىتىندا جٷيەلٸ جۇمىستار جٷرگٸزٸپ جاتقانىن ايتتى.
«ٶتكەن جىلى قازاقستاندىق IT قىزمەتتەر ەكسپورتىنىڭ كٶلەمٸ 1 ملرد دوللاردان استى. بٸزدٸڭ تسيفرلىق شەشٸمدەرٸمٸزدٸ ەلەمنٸڭ 100-دەن استام ەلٸندە پايدالانادى», – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, بۇل جەتٸستٸكتەر قازاقستاننىڭ تەحنولوگييالىق دامۋعا ۇمتىلىسىن كٶرسەتەدٸ. دەگەنمەن, وزىق تەحنولوگييالار سالاسىندا قول جەتكٸزگەن نەتيجەلەرمەن توقتاپ قالۋعا بولمايدى.
ول يننوۆاتسييالىق ستارتاپ-كومپانييالارعا ناقتى قولداۋ كٶرسەتٸپ, وزىق جوبالاردى ٸسكە اسىرۋ قاجەتتٸگٸن اتاپ ٶتتٸ.
سونىمەن قاتار قاسىم-جومارت توقاەۆ جاساندى ينتەللەكت سالاسىندا جوعارى جاۋاپكەرشٸلٸك پەن ادالدىق قاعيدالارىن ساقتاۋ ماڭىزدى ەكەنٸن ايتتى.
پرەزيدەنت اقش پرەزيدەنتٸ دونالد ترامپتىڭ باستاماسىمەن امەريكالىق جەتەكشٸ تەحنولوگييالىق كومپانييالار اراسىندا جاسالعان سۋپەرينتەللەكت جٶنٸندەگٸ كەلٸسٸمگە توقتالدى.
«بۇل تەسٸل بارلىق مٷددەلٸ ەلدەر تاراپىنان جان-جاقتى تالقىلانعاننان كەيٸن جاھاندىق دەڭگەيدە قابىلداۋعا بولاتىن ٷلگٸ رەتٸندە قاراستىرىلۋى مٷمكٸن», – دەدٸ ول.
مەملەكەت باسشىسى بۇعان قوسا ەكونوميكاداعى ناقتى سۇرانىستارعا نەگٸزدەلگەن يندۋسترييالىق AI-مٸندەتتەر تٸزٸمٸن قالىپتاستىرۋدى ۇسىندى.
وسى تٸزٸم نەگٸزٸندە قازاقستاندىق جەنە شەتەلدٸك كوماندالاردىڭ قاتىسۋىمەن AI Challenge بايقاۋىن ٸسكە قوسۋ ۇسىنىلدى. تيٸمدٸلٸگٸن دەلەلدەگەن ٷزدٸك جوبالار ٶندٸرٸستە ەنگٸزٸلمەك.
