قازاقستان پرەزيدەنتٸ قاسىم-جومارت توقاەۆ پەن گرۋزييانىڭ پرەمەر-مينيسترٸ يراكليي كوباحيدزە رەسمي دەلەگاتسييالار قاتىسقان كەڭەيتٸلگەن قۇرامداعى كەلٸسسٶز ٶتكٸزدٸ, دەپ حابارلايدى Ult.kz.
كەلٸسسٶز بارىسىندا تاراپتار ساياسي, ساۋدا-ەكونوميكالىق جەنە مەدەني-گۋمانيتارلىق ىنتىماقتاستىقتى كەڭەيتۋ پەرسپەكتيۆالارىن تالقىلادى.
قاسىم-جومارت توقاەۆ قازاقستاننىڭ وڭتٷستٸك كاۆكازداعى سەنٸمدٸ سەرٸكتەسٸ سانالاتىن گرۋزييامەن دوستىق قارىم-قاتىناستى جوعارى باعالايتىنىن ايتتى. پرەزيدەنتتٸڭ سٶزٸنشە, ەكٸ ەلدٸ تاريحي بايلانىس, ورتاق مەدەني قۇندىلىقتار جەنە حالىقتار اراسىنداعى بەرٸك قارىم-قاتىناس بٸرٸكتٸرەدٸ.
مەملەكەت باسشىسى بٷگٸن قول قويىلاتىن ستراتەگييالىق سەرٸكتەستٸك ورناتۋ جٶنٸندەگٸ بٸرلەسكەن مەلٸمدەمە قازاق-گرۋزين بايلانىسىن جاڭا ساپالى دەڭگەيگە كٶتەرەتٸنٸنە سەنٸم بٸلدٸردٸ.
پرەزيدەنتتٸڭ ايتۋىنشا, قازاقستان گرۋزييا ەكونوميكاسىنا 500 ميلليون دوللاردان استام ينۆەستيتسييا قۇيعان جەنە ەلدٸڭ ٸرٸ ينۆەستورلارىنىڭ بٸرٸ بولىپ وتىر. سونداي-اق تاراپتار باكۋ – تبيليسي – دجەيحان مۇناي قۇبىرى ارقىلى مۇناي تاسىمالىن ۇلعايتۋعا نيەتتٸ ەكەنٸن راستادى.
ٶز كەزەگٸندە يراكليي كوباحيدزە قازاقستاندى ورتالىق ازيياداعى سەنٸمدٸ سەرٸكتەس رەتٸندە اتاپ ٶتٸپ, قاسىم-جومارت توقاەۆتىڭ باسشىلىعىمەن ەلدٸڭ تۇراقتى دامۋ جولىنا تٷسكەنٸن ايتتى. ول ستراتەگييالىق سەرٸكتەستٸك تۋرالى بٸرلەسكەن مەلٸمدەمەنٸڭ قابىلدانۋى ەكٸ ەل اراسىنداعى ىنتىماقتاستىققا جاڭا سەرپٸن بەرەتٸنٸن جەتكٸزدٸ.
كەزدەسۋ بارىسىندا مەملەكەت باسشىسى ستراتەگييالىق ەرٸپتەستٸكتٸ ناقتى ٸسكە اسىرۋ ٷشٸن ەنەرگەتيكا, ينۆەستيتسييا, كٶلٸك, اۋىل شارۋاشىلىعى, تسيفرلاندىرۋ, تۋريزم جەنە باسقا دا باعىتتاردى قامتيتىن ارنايى «جول كارتاسىن» ەزٸرلەۋدٸ ۇسىندى.
تاراپتار ترانسكاسپيي حالىقارالىق كٶلٸك باعدارى اياسىنداعى ىنتىماقتاستىقتى كٷشەيتۋگە دە ەرەكشە نازار اۋداردى. اتاپ ايتقاندا, كٶلٸك-لوگيستيكا ينفراقۇرىلىمىن دامىتۋ, كونتەينەرلٸك تاسىمال كٶلەمٸن ارتتىرۋ, تاريف ساياساتىن ٷيلەستٸرۋ جەنە تسيفرلاندىرۋ جۇمىستارىن جەدەلدەتۋ جوسپارلانىپ وتىر. سوڭعى بەس جىلدا ورتا دەلٸز ارقىلى جٷك تاسىمالى 3,5 ەسە ٶسكەن, ال 2029 جىلعا قاراي بۇل باعىتتاعى كونتەينەرلٸك پويىزدار سانى 3 مىڭعا جەتەدٸ دەپ كٷتٸلۋدە.
سونىمەن قاتار قازاقستاننىڭ گرۋزيياداعى تەڭٸز پورتتارىنا قاتىسۋىن كەڭەيتۋ مەسەلەسٸ سٶز بولدى. بىلتىر قازاقستاندىق ينۆەستوردىڭ قاتىسۋىمەن پوتي پورتىندا جاڭا مۋلتيمودالدٸ تەرمينال ٸسكە قوسىلسا, اناكلييا پورتى ٶڭٸرارالىق بايلانىستى دامىتۋعا مٷمكٸندٸك بەرەتٸن ماڭىزدى جوبالاردىڭ بٸرٸ رەتٸندە اتالدى.
كەلٸسسٶزدە تسيفرلاندىرۋ مەن جاساندى ينتەللەكت سالاسىنداعى ىنتىماقتاستىققا دا باسىمدىق بەرٸلدٸ. ەكٸ ەل تسيفرلىق ٷكٸمەت, ونلاين مەملەكەتتٸك قىزمەتتەر جەنە GovTech شەشٸمدەرٸ بويىنشا تەجٸريبە الماسۋعا دايىن ەكەنٸن بٸلدٸردٸ. سونداي-اق قازاقستان گرۋزييالىق ستارتاپتار مەن تەحنولوگييالىق كومپانييالاردىڭ Astana Hub باعدارلاماسىنا قاتىسۋىن قولدايتىنىن مەلٸمدەدٸ.
بۇدان بٶلەك, دەنساۋلىق ساقتاۋ, بٸلٸم بەرۋ, مەدەنيەت جەنە تۋريزم سالالارىنداعى ەرٸپتەستٸكتٸ نىعايتۋ مەسەلەلەرٸ قارالدى. پرەزيدەنت گرۋزييانىڭ قازاقستاندىق تۋريستەر اراسىندا تانىمال باعىت ەكەنٸن اتاپ ٶتٸپ, قازاقستان دا گرۋزييالىق قوناقتاردى قابىلداۋعا دايىن ەكەنٸن ايتتى. سونداي-اق ەكٸ ەلدٸڭ مەدەنيەت كٷندەرٸن ٶتكٸزۋدٸ ۇسىندى.
