مەملەكەت باسشىسى قاسىم-جومارت توقاەۆ اقش پرەزيدەنتٸنٸڭ وڭتٷستٸك جەنە ورتالىق ازييا بويىنشا ارنايى ٶكٸلٸ سەردجيو گورمەن كەزدەستٸ, دەپ حابارلايدى ult.kz.
كەزدەسۋ بارىسىندا پرەزيدەنت قازاقستان مەن اقش اراسىنداعى ىنتىماقتاستىقتىڭ جوعارى دەڭگەيٸن اتاپ ٶتٸپ, ۆاشينگتونمەن كەڭەيتٸلگەن ستراتەگييالىق سەرٸكتەستٸكتٸ ودان ەرٸ نىعايتۋعا مٷددەلٸ ەكەنٸن مەلٸمدەدٸ.
قاسىم-جومارت توقاەۆ ەسٸرەسە اسا ماڭىزدى مينەرالدار بويىنشا C5+1 ديالوگىنىڭ ماڭىزدىلىعىنا توقتالىپ, بۇل باعىتتاعى ٶزارا ىقپالداستىقتىڭ ەكٸ ەل اراسىنداعى ستراتەگييالىق ەرٸپتەستٸكتٸ كٷشەيتە تٷسەتٸنٸن ايتتى. سونىمەن قاتار ول اقش پرەزيدەنتٸ دونالد ترامپقا ٸزگٸ تٸلەگٸن جولداپ, جىل سوڭىنا قاراي كەزدەسۋ ٶتكٸزۋدٸ جوسپارلاپ وتىرعانىن جەتكٸزدٸ.
ٶز كەزەگٸندە سەردجيو گور دونالد ترامپتىڭ سەلەمٸن جەتكٸزٸپ, اق ٷيدٸڭ قازاقستانمەن قارىم-قاتىناستى دامىتۋعا ەرەكشە مەن بەرەتٸنٸن اتاپ ٶتتٸ. ونىڭ ايتۋىنشا, سوڭعى بٸر جىل ٸشٸندە اقش پەن ورتالىق ازييا ەلدەرٸ اراسىندا 20 ميلليارد دوللاردان استام كەلٸسٸم جاسالعان.
تاراپتار ساۋدا-ەكونوميكالىق جەنە ينۆەستيتسييالىق جوبالاردى جٷزەگە اسىرۋ مەسەلەلەرٸن, سونداي-اق اسا ماڭىزدى مينەرالدار, كٶلٸك-لوگيستيكا, تسيفرلاندىرۋ جەنە ٶزگە دە باسىم باعىتتارداعى ىنتىماقتاستىقتىڭ كەلەشەگٸن تالقىلادى.
كەزدەسۋ بارىسىندا قازاقستان تەڭ قۇرىلتايشىلارىنىڭ بٸرٸ سانالاتىن بەيبٸتشٸلٸك كەڭەسٸ قىزمەتٸنە دە ەرەكشە نازار اۋدارىلدى. مەملەكەت باسشىسى قازاقستاننىڭ حالىقارالىق تۇراقتىلىقتى نىعايتۋعا جەنە گۋمانيتارلىق باستامالاردى قولداۋعا دايىن ەكەنٸن ايتتى.
سونداي-اق تاراپتار ٶڭٸرلٸك جەنە جاھاندىق كٷن تەرتٸبٸندەگٸ ٶزەكتٸ مەسەلەلەر بويىنشا پٸكٸر الماستى. كەزدەسۋ قورىتىندىسىندا قازاقستان مەن اقش ٶكٸلدەرٸ ەكٸجاقتى ىنتىماقتاستىقتى ودان ەرٸ تەرەڭدەتۋگە ٶزارا مٷددەلٸ ەكەنٸن راستادى.
