رەسەيلٸك وپپوزيتسييالىق ساياساتكەر الەكسەي ناۆالنىي شتابىنىڭ ٷيلەستٸرۋشٸلەرٸ نوۆوسيبيرسكٸ مەن تومسك قالالارىندا 13 قىركٷيەك كٷنٸ ٶتكەن ايماقتىق سايلاۋدىڭ الدىن الا قورىتىندىسى بويىنشا جەڭٸسكە جەتكەن. ناۆالنىي ۋلانباي تۇرىپ وسى قالالاردا بولعان ەدٸ.
ناۆالنىي شتابىنىڭ تومسك وبلىسى بويىنشا ٷيلەستٸرۋشٸسٸ كسەنييا فادەەۆا تومسك قالالىق دۋماسىنىڭ سايلاۋىندا جەڭدٸ. بۇل تۋرالى سايلاۋ وكرۋگٸنٸڭ الدىن الا قورىتىندىسىنا سٷيەنگەن فادەەۆا مەن جاقتاستارى حابارلادى. فادەەۆا 9 سايلاۋ ۋچاسكەسٸنٸڭ جەتەۋٸندە "ەدينايا روسسييا" كانديداتىن جەڭگەن.
جەمقورلىقپەن كٷرەس قورىنىڭ ديرەكتورى يۆان جدانوۆتىڭ ايتۋىنشا, فادەەۆا – رەسەيدەگٸ سايلاۋدا العاش جەڭگەن ناۆالنىي شتابىنىڭ ٷيلەستٸرۋشٸسٸ. ول ەلەۋمەتتٸك جەلٸدە "ناۆالنىيعا تومسكٸدە ۋ بەرگەن. بۇل شتابتىڭ سوعان قايتارعان مىقتى جاۋابى بولدى" دەپ جازدى.
ناۆالنىي ايماقتىق شتابىنىڭ جەتەكشٸسٸ سەرگەي بويكو دا سايلاۋدا جەڭگەن. بويكونىڭ نوۆوسيبيرسك قالالىق كەڭەسٸنە دەپۋتات بولىپ سايلانعانى حابارلاندى.
رەسەيلٸك وپپوزيتسيونەر, جەمقورلىقپەن كٷرەس قورىنىڭ جەتەكشٸسٸ 44 جاستاعى الەكسەي ناۆالنىي 20 تامىز كٷنٸ تومسكٸدەن مەسكەۋگە باعىت العان ۇشاقتا جاعدايى كٷرت ناشارلاعان. ول نوۆوسيبيرسك مەن تومسكٸگە جەرگٸلٸكتٸ بيلٸكتٸڭ ەرەكەتٸ تۋرالى زەرتتەۋ جاساۋ ٷشٸن كەلگەن. بۇل زەرتتەۋ كەيٸننەن جەمقورلىقپەن كٷرەس قورىنىڭ سايتىندا جارييالاندى. ناۆالنىي ومبى اۋرۋحاناسىنا جاتقىزىلىپ, ەكٸ كٷننەن سوڭ بەرلينگە ەمدەۋگە جٸبەرٸلدٸ. نەمٸس ماماندارى ونىڭ "نوۆيچوك" توبىنا جاتاتىن زاتتان ۋلانعانىن انىقتادى.
13 قىركٷيەكتە رەسەيدٸڭ 41 ايماعىندا تٷرلٸ دەڭگەيدەگٸ سايلاۋ ٶتكەن. ناۆالنىي جاقتاستارىن "اقىلدى داۋىس بەرۋ" قوسىمشاسى ارقىلى سايلاۋعا قاتىسۋعا شاقىرعان.
