مەسكەۋدە قازا تاپقان قازاقستاندىق ستۋدەنت توميريس بايسافانىڭ اناسىنىڭ ادۆوكاتى ەۆگەنيي ياۆورسكيي ايىپتالۋشى مۋرتۋزالي مەدجيدوۆتى قازاقستاندا سوتتاۋعا رۇقسات الۋدى قالايدى, - دەپ حابارلايدى Tengrinews.kz.
ەۆگەنيي ياۆورسكيي قازاقستاننىڭ باس پروكۋراتۋراسىنا تيٸستٸ ٶتٸنٸشپەن جٷگٸنۋدٸ جوسپارلاپ وتىرعانىن مەلٸمدەدٸ.
"مەن بۇنى باسقا قازاقستاندىق ادۆوكاتتارمەن تالقىلادىم, پٸكٸرلەر ەكٸگە بٶلٸندٸ. تەحنيكالىق تۇرعىدان بۇل مٷمكٸن, بٸراق بۇل ٷشٸن ساياسي ەرٸك قاجەت. پروكۋراتۋراعا حابارلاسپاس بۇرىن, بٸز جۇرتشىلىقتان قولداۋدى سۇرايمىز. مەسەلە - ٶتە ماڭىزدى", - دەدٸ ادۆوكات ەۆگەنيي ياۆورسكيي.
ادۆوكاتتىڭ ايتۋىنشا, ەگەر زارداپ شەككەن تاراپتى قوعام قولداسا, ەل باسشىلىعىنىڭ وسى باعىتتا شەشٸم قابىلداۋعا مٷمكٸندٸگٸ بولادى.
"بٸز ٶتٸنٸش جازىپ جاتىرمىز. قىزدىڭ ٶلتٸرگەنٸن دەلەلدەيتٸن مەديتسينالىق زەرتتەۋلەر بار, باسقا دا بٸرقاتار دەلەل قولىمىزدا. ول جاقتاعى ىقپالدى اتا-انانىڭ, رەسەيدەگٸ سىبايلاس جەمقورلىق سحەمالارىنىڭ جولىن كەسە المادىق. باسقا ەل بولعاندىقتان قىزدىڭ اناسى ەشقانداي تٷسٸنٸستٸك پەن قولداۋ تاپپاي وتىر", - دەپ قوستى ول.
ەۆگەنيي ياۆورسكييدٸڭ ايتۋىنشا, مۇنداي تەجٸريبە باسقا ەلدەردە بار.
"نەلٸكتەن بٸز ازاماتتارىمىزدى قورعاۋ ٷشٸن مۇنداي تەجٸريبەنٸ ەنگٸزە المايمىز? بٸز قوعامنىڭ قولداۋىنا مۇقتاجبىز. ەگەر جاي عانا ٶتٸنٸش جازساق, بۇل مەسەلە جىلى جابىلىپ قالا ما دەپ قورقامىز", - دەپ قورىتىندىلادى ادۆوكات.
بۇعان دەيٸن مەسكەۋدەگٸ سوت توميريس بايسافانى ٶلتٸردٸ دەپ ايىپتالعان داعىستاننىڭ بۇرىنعى جوعارى لاۋازىمدى شەنەۋنٸگٸنٸڭ ۇلى مۋرتۋزالي مەدجيدوۆتى اقتاپ العان بولاتىن.
مارقۇمنىڭ اناسى جاننا احمەتوۆا دا بۇعان دەيٸن مۋرتۋزالي مەدجيدوۆتىڭ قازاقستاندا سوتتالۋىن قالايتىنىن مەلٸمدەگەن بولاتىن.
