«اۋىل» پارتيياسى اتىنان پرەزيدەنتتٸككە كانديدات تٶلەۋتاي راقىمبەكوۆ ماڭعىستاۋ جۇرتشىلىعىنا سايلاۋالدى باعدارلاماسىن تانىستىردى, دەپ حابارلايدى پارتييانىڭ باسپاسٶز قىزمەتٸ.
پرەزيدەنتتٸككە ٷمٸتكەر جەرگٸلٸكتٸ تۇرعىندارمەن كەزدەسۋ بارىسىندا ايماققا تەن مەسەلەلەردٸ كٶتەرٸپ, ونى شەشۋ جولدارىن ۇسىندى. ول ماڭعىستاۋ ٶڭٸرٸنە كٷندەلٸكتٸ تۇتىناتىن ازىق-تٷلٸكتٸڭ باسىم بٶلٸگٸ باسقا ايماقتاردان ەكەلٸنەتٸنٸن سٶز ەتٸپ, بۇل مەسەلەنٸ شەشۋ ٷشٸن اۋىل-ايماقتا جىلىجايدى كٶبەيتۋ كەرەكتٸگٸن العا تارتتى. بۇعان قوسا, شۇبات ٶندٸرٸسٸن جولعا قويىپ, تابىس كٶلەمٸن ەسەلەپ ارتتىرۋعا بولاتىنىن ايتتى. ٶيتكەنٸ, وسى تەكتەس باستامالارعا قازٸر مەملەكەتتەن جاقسى قولداۋ بار.
جيىندا سونىمەن قاتار جۇمىسسىزدىق, اۋىل شارۋاشىلىعىن جاندىرۋ, باسپانامەن قامتۋ, ينفراقۇرىلىمدى دامىتۋ جەنە جاستار ساياساتى سەكٸلدٸ پروبلەمالار كٶتەرٸلٸپ, كەڭٸنەن تالقىلاندى.
