«اۋىل» پارتيياسى تٶراعاسىنىڭ بٸرٸنشٸ ورىنباسارى تٶلەۋتاي راحىمبەكوۆ وتاندىق اگرارلىق عىلىمنىڭ نەگٸزگٸ پروبلەماسى تۋراسىندا پٸكٸر بٸلدٸردٸ, دەپ حابارلايدى قازاقپارات.
«بٸز سالاداعى جاعدايعا ۇزاق تالداۋ جاساپ, اگرارلىق تۇرعىدا ٷزدٸك سانالاتىن ارگەنتينا, برازيلييا, فرانتسييا, گەرمانييا ەلدەرٸمەن سالىستىرۋ جۇمىستارىن جٷرگٸزدٸك. وسى ورايدا قازاقستاننىڭ اگرارلىق عىلىمىنىڭ باستى پروبلەماسى بٸلٸمدٸ جەتكٸزۋ, تەحنولوگييا ترانسفەرتٸ مەن كوممەرتسييالاندىرۋدا ۇيىمداستىرۋ شارالارىنىڭ جەتكٸلٸكسٸزدٸگٸنە بايلانىستى دەگەن ۇيعارىمعا كەلدٸك», - دەدٸ ت. راحىمبەكوۆ اٶك سالاسىندا عىلىمي جەتٸستٸكتەردٸ كوممەرتسييالاندىرۋ تاقىرىبىنداعى ونلاين كونفەرەنتسييادا.
وسى ورايدا ول ەلٸمٸزدە كەيبٸر پروتسەستەر كەرٸسٸنشە جٷرگٸزٸلٸپ جاتقانىن اتاپ ٶتتٸ.
«بٸزدە 23 عىلىمي-زەرتتەۋ ينستيتۋتى, 14 تەجٸريبەلٸك ستانتسييا بار. ارگەنتينادا 4 عىلىمي-زەرتتەۋ ينستيتۋتى, 4 عىلىمي-تەجٸريبەلٸك ستانسا مەن 320 بٸلٸمدٸ تاراتۋ ورتالىعى جاساقتالعان. بٸزدٸڭ باعالاۋ بويىنشا قازاقستاندا بٸلٸمدٸ جەتكٸزٸپ, تاراتاتىن كەم دەگەندە 200-210 ورتالىق كەرەك. بۇل دەگەنٸمٸز, 163-ٸ اۋىلدىق اۋدان, 40-ى وبلىس دەڭگەيٸندە, سونداي-اق قوسىمشا ٷشەۋٸ نەگٸزگٸ ورتالىق دەرەجەسٸندە 3 ۋنيۆەرسيتەتتٸڭ بازاسىندا», - دەدٸ ت. راحىمبەكوۆ.
بۇدان بۇرىن حابارلانعانداي, تٶلەۋتاي راحىمبەكوۆ اگرارلىق سالادا عالىمدار ٶزٸنٸڭ عىلىمي جۇمىستارىنا سىياقى الۋى كەرەكتٸگٸن اتاپ ٶتتٸ.
«كوممەرتسييالاندىرۋ – بۇل تەرمين قازٸرگٸ كەزدە بٸزدٸڭ قوعامدىق ٶمٸرٸمٸزدە ٶزٸنٸڭ ناقتى ورنىن الىپ وتىر. كوممەرتسييالاندىرۋدىڭ قاجەت ەكەنٸنە داۋ جوق, الايدا سٶزدەن ٸسكە كٶشۋ ٷشٸن بٸراز شارۋانى ەڭسەرۋ كەرەك. كوممەرتسييالاندىرۋدىڭ ٸشٸندەگٸ ەڭ باستى تەتٸكتەرٸنٸڭ بٸرٸ – ول «رويالتي جٷيەسٸ», - دەدٸ ول.
