شىمكەنتتٸڭ ەڭبەكشٸ اۋداندىق سوتى بيزنەسمەن توقتار تٶلەشوۆتٸ "ەكونوميكالىق قىلمىستار جاسادى" دەپ ايىپتاپ, بەس جىلعا سوتتادى.
ازاتتىق تٸلشٸسٸنٸڭ سوتتان حابارلاۋىنشا, سۋديا مىرزالى جوراباەۆ "شىمكەنت سىرا" زاۋىتىنىڭ بۇرىنعى باسشىسى تٶلەشوۆتٸ قىلمىستىق كودەكستٸڭ 245-بابى 2 جەنە 3-بٶلٸگٸ ("ۇيىمدارعا سالىناتىن سالىقتى جەنە (نەمەسە) بيۋدجەتكە تٶلەنەتiن باسقا دا مiندەتتi تٶلەمدەردi تٶلەۋدەن جالتارۋ"), 250-بابى ("ٶكٸلەتتٸگٸن تەرٸس ماقساتتا پايدالانۋ") بويىنشا ايىپتى دەپ تانىپ, بەس جىلعا باس بوستاندىعىنان ايىرۋ جازاسىن كەستٸ. سۋديا تٶلەشوۆتٸڭ بۇل بەس جىلىن بۇعان دەيٸن سوتتالعان جازاسىنا كٸرٸكتٸرٸپ جٸبەرۋگە, ياعني العاشقى قىلمىسى بويىنشا كەسٸلگەن 21 جىلعا قوسىپ, سونىڭ ٸشٸندە ٶتەۋگە ٷكٸم كەستٸ.
تٶلەشوۆ سوتتا ٶزٸنە تاعىلعان ايىپتى مويىندامايتىنىن مەلٸمدەپ, ٷكٸمگە اپەللياتسييالىق شاعىم بەرەتٸنٸن ايتتى.
"شىمكەنت سىرا" زاۋىتىنىڭ يەسٸ بولعان كەسٸپكەر توقتار تٶلەشوۆ 2016 جىلى قاڭتاردىڭ 30-ىندا شىمكەنت قالاسىندا پوليتسييا جٷرگٸزگەن جەدەل-ٸزدەستٸرۋ شاراسىندا ۇستالعان. بيزنەسمەنگە قىلمىستىق كودەكستٸڭ 266-بابى ("قىلمىستىق توپتىڭ ەرەكەتٸن قارجىلاندىرۋ, سول سيياقتى مٷلٸكتٸ ساقتاۋ, بٶلۋ, قارجىلاندىرۋ ارنالارىن ەزٸرلەۋ") جەنە 297-بابى ("ەسٸرتكٸ, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, يەمدەنۋ, ساقتاۋ, تاسىمالداۋ, جٶنەلتۋ نە ٶتكٸزۋ") بويىنشا ايىپتار تاعىلعان. توقتار تٶلەشوۆ "زاڭسىز قارۋ ساقتاپ جەنە ۇستاعانىن" عانا مويىنداعان.
2016 جىلى قاراشانىڭ 7-سٸ كٷنٸ استاناداعى مامانداندىرىلعان اۋدانارالىق ەسكەري سوت توقتار تٶلەشوۆتٸ 21 جىلعا باس بوستاندىعىنان ايىرۋعا, جازاسىن قاتاڭ رەجيمدەگٸ كولونييادا ٶتەۋگە, دٷنيە-مٷلكٸن تەركٸلەۋگە, مەملەكەتتٸك ماراپاتتارىنان ايىرۋعا ٷكٸم كەسكەن.
توقتار تٶلەشوۆتٸڭ ٸسٸنە بايلانىستى سوتقا تارتىلعان 24 ادامنىڭ بٸرازى دا تٷرمە جازاسىنا كەسٸلگەن.
