قازاقستاندىق عارىشكەر توقتار ەۋبەكٸروۆ كوروناۆيرۋس جۇقتىرىپ, نۇر-سۇلتان قالالىق جۇقپالى اۋرۋلار اۋرۋحاناسىنا جاتقىزىلدى, - دەپ حابارلايدى "ۇلت اقپارات" پرەزيدەنت ٸس باسقارماسىنىڭ مەديتسينالىق ورتالىعى اۋرۋحاناسىنىڭ باسپاسٶز قىزمەتٸنە سٸلتەمە جاساپ.
ەۋبەكٸروۆ 21 تامىزدا پرەزيدەنت ٸس باسقارماسىنىڭ مەديتسينالىق ورتالىعى اۋرۋحاناسىنا دەنساۋلىق جاعدايىن ايتىپ جٷگٸنگەن. ول جٶتەل, تەرشەڭدٸك جەنە جالپى ەلسٸزدٸك بارىن ايتقان. ونىڭ ٷيٸنە بارعان جەدەل جەردەم قىزمەتكەرلەرٸ پتر-تالداۋىنا ٷلگٸ العان. نەتيجە وڭ بولعان.
دەرٸگەرلەر توقتار ەۋبەكٸروۆكە رەتسەپت جازىپ, ەمدەۋ بويىنشا ۇسىنىستار بەرگەن.
"ناۋقاستىڭ ايتۋىنشا, بۇل التىنشى كٷن. ول "سۋمامەد" پرەپاراتىن ٶز بەتٸنشە قابىلداعان. اۋرۋحاناعا مەديتسينالىق كٶمەككە جٷگٸنبەدٸ. 23 تامىزدا پرەزيدەنت ٸس باسقارماسىنىڭ مەديتسينالىق ورتالىعى گوسپيتالٸنٸڭ جىلجىمالى بريگاداسىنىڭ دەرٸگەرلەرٸ ٷيدە كەۋدە سەگمەنتٸنٸڭ توموگرافيياسىن جاساپ, سىناما نەتيجەسٸ بويىنشا ونى نۇر-سۇلتان قالالىق جۇقپالى اۋرۋلار اۋرۋحاناسىنا جاتقىزۋعا جٸبەردٸ. ناۋقاس اۋرۋحاناعا جاتۋدان باس تارتتى", - دەلٸنگەن حابارلامادا.
24 تامىزدا تاڭەرتەڭ دەرٸگەرلەر توقتار ەۋبەكٸروۆپەن سٶيلەسٸپ, ونى جۇقپالى اۋرۋلار ورتالىعىنا بارۋعا كٶندٸرگەن. ول ورتاشا اۋىر دەرەجەدەگٸ COVID-19 جۇقتىرۋ, ەكٸ جاقتى پوليسەگمەنتال پنەۆمونييا كT-1 دياگنوزىمەن اۋرۋحاناعا جاتقىزىلعان.
باسپاسٶز قىزمەتٸ مەلٸمەتٸنشە, ەۋبەكٸروۆ ۆاكتسينا سالدىرعان. ول ۆاكتسينانىڭ ەكٸنشٸ كومپونەنتٸن 17 سەۋٸردە العان.
توقتار ەۋبەكٸروۆ 1991 جىلى تاريحتا عارىشتى باعىندىرعان بٸرٸنشٸ قازاقستاندىق بولدى. ول كسرو-نىڭ 72-شٸ جەنە سوڭعى عارىشكەرٸ, قازاقستان ەسكەري ەۋە كٷشتەرٸ گەنەرال-مايورى. 27 شٸلدەدە ول 75 جاسقا تولعان بولاتىن.
