بورت N1 Telegram ارناسى پرەزيدەنت توقاەۆقا ۇلىستىڭ ۇلى كٷنٸ قارساڭىندا استاناداعى كينولوگتار كٶرمەسٸندە سىيعا تارتىلعان ناۋرىز اتتى كٷشٸكتٸڭ ۆيدەوسىن جارييالادى, دەپ حابارلايدى "ۇلت اقپارات".
"ول قازٸر باياعىداي سەبەتتە دٸرٸلدەپ جاتاتىن تٷيٸرشٸك ەمەس, كٶز الماي باقىلاۋدى قاجەت ەتەتٸن ەپتٸ كٷشٸك. بٸز ناۋرىزدىڭ العاش رەت اڭعا شىعۋىن, جەتٸستٸگٸن, ەسەيۋٸن مٸندەتتٸ تٷردە كٶرسەتەمٸز. كٸم بٸلەدٸ, بەلكٸم, بٸر كٷنٸ اقوردانى قورعاۋىنا الاتىن شىعار?!", - دەلٸنگەن جازبادا.
ەسكە سالايىق, ناۋرىزدى مەملەكەت باسشىسىنا تازى ٶسٸرۋشٸ اننا زاحاروۆا سىيعا تارتقان بولاتىن.
«سٸزگە سىيلىق تارتۋ ەتكٸمٸز كەلەدٸ. ەجەلدەن قازاقى يت تۇقىمى قازاقستاندا ٶتە قۇندى سىيلىقتىڭ بٸرٸ سانالىپ كەلگەن ەدٸ. ٶكٸنٸشكە وراي, سوڭعى جىلدارى ونىڭ قۇندىلىعى تٶمەندەپ بارا جاتىر. سٸز قابىلداعان قازاقى يت تۇقىمدارىن ساقتاۋ جەنە كٶبەيتۋ جٶنٸندەگٸ جاڭا زاڭدى قابىلداۋدىڭ ارقاسىندا مىنا كٷشٸك تە تازى تۇقىمىن كٶبەيتۋگە سەپتٸگٸن تيگٸزەدٸ دەپ ٷمٸتتەنەمٸز. قۇجاتتارى بار, اتى – ناۋرىز. ول وسىدان 1,5 اي بۇرىن دٷنيەگە كەلدٸ. تۇقىمىندا جالعىز بولعاندىقتان وسىناي ات بەرۋدٸڭ نىشاندىق مەنٸ بولدى», - دەگەن ەدٸ پرەزيدەنتكە كٷشٸكتٸ سىيعا تارتقان اسىل تۇقىمدى تازى ٶسٸرۋشٸ.
