BORT N1 Telegram arnasy Prezident Toqaevqa Ulystyń uly kúni qarsańynda Astanadaǵy kinologtar kórmesinde syiǵa tartylǵan Naýryz atty kúshiktiń videosyn jariialady, dep habarlaidy "Ult aqparat".
"Ol qazir baiaǵydai sebette dirildep jatatyn túiirshik emes, kóz almai baqylaýdy qajet etetin epti kúshik. Biz Naýryzdyń alǵash ret ańǵa shyǵýyn, jetistigin, eseiýin mindetti túrde kórsetemiz. Kim biledi, bálkim, bir kúni Aqordany qorǵaýyna alatyn shyǵar?!", - delingen jazbada.
Eske salaiyq, Naýryzdy Memleket basshysyna tazy ósirýshi Anna Zaharova syiǵa tartqan bolatyn.
«Sizge syilyq tartý etkimiz keledi. Ejelden qazaqy it tuqymy Qazaqstanda óte qundy syilyqtyń biri sanalyp kelgen edi. Ókinishke orai, sońǵy jyldary onyń qundylyǵy tómendep bara jatyr. Siz qabyldaǵan qazaqy it tuqymdaryn saqtaý jáne kóbeitý jónindegi jańa zańdy qabyldaýdyń arqasynda myna kúshik te tazy tuqymyn kóbeitýge septigin tigizedi dep úmittenemiz. Qujattary bar, aty – Naýryz. Ol osydan 1,5 ai buryn dúniege keldi. Tuqymynda jalǵyz bolǵandyqtan osynai at berýdiń nyshandyq máni boldy», - degen edi Prezidentke kúshikti syiǵa tartqan asyl tuqymdy tazy ósirýshi.
