قاسىم-جومارت توقاەۆ تمد ٷكٸمەتتەرٸ باسشىلارى كەڭەسٸنٸڭ مٷشەلەرٸمەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋگە قازاقستان رەسپۋبليكاسىنىڭ پرەمەر-مينيسترٸ ەليحان سمايىلوۆ, ەزەربايجان رەسپۋبليكاسىنىڭ پرەمەر-مينيسترٸ ەلي اسادوۆ, بەلارۋس رەسپۋبليكاسىنىڭ پرەمەر-مينيسترٸ رومان گولوۆچەنكو, تەجٸكستان رەسپۋبليكاسىنىڭ پرەمەر-مينيسترٸ كوحير راسۋلزودا, ٶزبەكستان رەسپۋبليكاسىنىڭ پرەمەر-مينيسترٸ ابدۋلا اريپوۆ, رەسەي ٷكٸمەتٸنٸڭ تٶراعاسى ميحايل ميشۋستين, قىرعىز رەسپۋبليكاسى مينيسترلەر كابينەتٸنٸڭ تٶراعاسى - پرەزيدەنت ەكٸمشٸلٸگٸنٸڭ باسشىسى اقىلبەك جاپاروۆ, ارمەنييا رەسپۋبليكاسىنىڭ ۆيتسە-پرەمەرٸ مگەر گريگوريان, تٷرٸكمەنستان مينيسترلەر كابينەتٸ تٶراعاسىنىڭ ورىنباسارى حودجامۇرات گەلدٸمۋرادوۆ جەنە تمد اتقارۋشى كوميتەتٸنٸڭ تٶراعاسى - اتقارۋشى حاتشىسى سەرگەي لەبەدەۆ قاتىستى.
پرەزيدەنت تمد ەلدەرٸ دەلەگاتسييالارىنىڭ باسشىلارىنا ٸلتيپات بٸلدٸرە وتىرىپ, ەكونوميكالىق سەرٸكتەستٸكتٸ كەڭەيتۋ ٷشٸن جاعداي جاساۋدىڭ ماڭىزدىلىعىن اتاپ ٶتتٸ.
"جۋىردا تمد-عا مٷشە ەلدەردٸڭ باسشىلارىنىڭ سامميتٸ ٶتتٸ. بٸز ٶزارا ىنتىماقتاستىقتى ارتتىرۋعا, ەكونوميكانىڭ ەلەۋەتٸن نىعايتۋعا دەگەن ورتاق نيەتٸمٸزدٸ بٸلدٸردٸك", - دەدٸ مەملەكەت باسشىسى.
قاسىم-جومارت توقاەۆ شيەلەنٸسە تٷسكەن گەوساياسي قايشىلىقتارعا, ەلەمدٸك ەكونوميكاداعى تۇراقسىزدىققا نازار اۋدارا وتىرىپ, بٸرقاتار تيٸمدٸ شارا قابىلداۋعا شاقىردى.
"بۇل رەتتە ٶزارا ساۋدا-ەكونوميكالىق ىنتىماقتاستىق ماڭىزدى رٶل اتقارادى. ٶزدەرٸڭٸزگە مەلٸم, قازاقستاننىڭ بيىلعى تٶراعالىعى اياسىندا تمد-نىڭ 2030 جىلعا دەيٸنگٸ ەكونوميكالىق دامۋ ستراتەگيياسىنىڭ مٸندەتتەرٸن بەلسەندٸ جٷزەگە اسىرۋ ٸسٸ جالعاستى. حالىقارالىق نارىقتاعى داعدارىس جاعدايىنا قاراماستان, ەكونوميكامىز بٸرتٸندەپ قالپىنا كەلە باستادى", - دەدٸ پرەزيدەنت.
مەملەكەت باسشىسى كەدەرگٸلەردٸ جويۋعا, پروتەكتسيونيزمگە جول بەرمەۋگە, قولايلى تاريفتٸك شارتتار قالىپتاستىرۋعا, ەكٸمشٸلٸك رەسٸمدەردٸ جەڭٸلدەتۋگە شاقىردى.
قاسىم-جومارت توقاەۆ ٶز سٶزٸندە كٶلٸك-ترانزيت ەلەۋەتٸن دامىتۋ مەسەلەلەرٸنە دە توقتالدى. اتاپ ايتقاندا, ەۋرازييا نارىقتارىنا جاڭا مٷمكٸندٸكتەر اشاتىن ترانسكاسپيي حالىقارالىق كٶلٸك باعىتىنىڭ كەلەشەگٸ بار ەكەنٸن جەتكٸزدٸ.
"بۇل مەسەلەنٸڭ ٶزەكتٸلٸگٸ ارتىپ كەلەدٸ. تمد-عا مٷشە مەملەكەتتەر قولدا بار ەلەۋەتتٸ دامىتۋ ٷشٸن بٸرلەسٸپ جۇمىس ٸستەيتٸن بولادى. اتاپ ايتقاندا, يرانعا, پارسى شىعاناعى مەن ٷندٸستانعا شىعاتىن "سولتٷستٸك - وڭتٷستٸك" باعىتى بويىنشا ساۋدا-ساتتىقتى ٶركەندەتۋ ماڭىزدى", - دەدٸ پرەزيدەنت.
قاسىم-جومارت توقاەۆ سٶزٸنٸڭ سوڭىندا استانادا ٶتٸپ جاتقان تمد ٷكٸمەتتەرٸ باسشىلارى كەڭەسٸنٸڭ وتىرىسى دوستاستىققا مٷشە ەلدەردٸڭ الدىندا تۇرعان مٸندەتتەردٸ شەشۋگە ٶز ٷلەسٸن قوساتىنىنا سەنٸم بٸلدٸردٸ.
