مەملەكەت باسشىسى سينگاپۋردىڭ اعا مينيسترٸ – ۇلتتىق قاۋٸپسٸزدٸك مەسەلەلەرٸ جٶنٸندەگٸ ٷيلەستٸرۋشٸ مينيستر تەو چي حيندٸ قابىلدادى, دەپ حابارلادى اقوردانىڭ باسپاسٶز قىزمەتٸ.
كەزدەسۋ بارىسىندا تاراپتار قازاقستان مەن سينگاپۋر اراسىنداعى قازٸرگٸ جاعدايدى جەنە ساياسي, ساۋدا-ەكونوميكالىق سالالار بويىنشا پەرسپەكتيۆالىق جوبالاردى, سونىمەن قاتار, تسيفرلاندىرۋعا قاتىستى بٸرلەسكەن ٸس-قيمىل مەسەلەلەرٸن تالقىلادى.
ەكٸ ەل اراسىندا دوستىق قارىم-قاتىناس ورناعانىن ايتقان قاسىم-جومارت توقاەۆ قازان ايىندا ەرەۆاندا ٶتكەن جەەو سامميتٸندە سينگاپۋر پرەمەر-مينيسترٸ لي سيان لۋنمەن كەلەلٸ كەلٸسسٶز جاساعانىن جەتكٸزدٸ. سونداي-اق مەملەكەت باسشىسى سينگاپۋر پرەزيدەنتٸ حاليما ياكوبكە ٶزٸنٸڭ سەلەمٸن جەتكٸزۋدٸ ٶتٸندٸ.
– مەن سينگاپۋر پرەزيدەنتٸن بۇرىننان تانيمىن. ەكەۋمٸز دە ٶز ەلدەرٸمٸزدٸڭ پارلامەنتتەرٸندە سپيكەر قىزمەتٸن اتقاردىق. مەن ونىڭ مەملەكەت باسشىسى بولعانىنا ٶتە قۋانىشتىمىن,– دەدٸ قاسىم-جومارت توقاەۆ.
ٶز كەزەگٸندە تەو چي حين قاسىم-جومارت توقاەۆقا سينگاپۋر پرەزيدەنتٸ مەن پرەمەر-مينيسترٸنٸڭ اقجارما تٸلەگٸن جەتكٸزدٸ. سونىمەن قاتار ەكٸ ەل اراسىنداعى بايلانىستاردى ودان ەرٸ نىعايتا بەرۋگە نيەتتٸ ەكەنٸن اتاپ ايتتى.
