مەملەكەت باسشىسى قاسىم-جومارت توقاەۆ 31 مامىر – ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸنە وراي ٷندەۋ جارييالادى, - دەپ حابارلايدى اقوردا.
***
قۇرمەتتٸ وتانداستار!
حح عاسىردىڭ 20-50 جىلدارىنداعى ساياسي قۋعىن-سٷرگٸن زوبالاڭى – حالقىمىزدىڭ تاريحىنداعى قاسٸرەتتٸ كەزەڭ.
قازاقستان تەۋەلسٸزدٸك العاننان كەيٸن وسى نەۋبەتتٸڭ قۇرباندارىن مەڭگٸ ەستە قالدىرۋ ٷشٸن مەملەكەتتٸك دەڭگەيدەگٸ تيٸستٸ شارالاردى جٷزەگە اسىرا باستادى.
1993 جىلى «جاپپاي ساياسي قۋعىن-سٷرگٸن قۇرباندارىن اقتاۋ تۋرالى» زاڭ قابىلداندى.
1997 جىلى ەلباسى ن.نازارباەۆتىڭ جارلىعىمەن 31 مامىر ساياسي قۋعىن-سٷرگٸن قۇرباندارىن ەسكە الۋ كٷنٸ رەتٸندە بەلگٸلەندٸ.
كەڭەس زامانىندا ٶمٸر سٷرگەن حالىقتارعا «ٷلكەن تەرروردىڭ» وراسان زور قاسٸرەت ەكەلگەنٸ ەسٸمٸزدە. زۇلمات جىلداردا قازاقستانعا كسرو-نىڭ تٷكپٸر-تٷكپٸرٸنەن بەس ميلليوننان استام ادام جەر اۋدارىلدى.
100 مىڭعا جۋىق ازاماتىمىز قۋعىن-سٷرگٸنگە ۇشىراپ, سونىڭ 20 مىڭنان استامى اتىلدى.
جازىقسىز جازالانعانداردىڭ قاتارىندا ە. بٶكەيحان, ا. بايتۇرسىنۇلى, م. تىنىشباەۆ, م. دۋلاتۇلى, ت. رىسقۇلوۆ, م. جۇماباەۆ, س. سەيفۋللين, ٸ. جانسٷگٸروۆ, ب. مايلين, س. اسفەنديياروۆ سيياقتى كٶرنەكتٸ مەملەكەت جەنە قوعام قايراتكەرلەرٸ, باسقا دا ۇلت زييالىلارى بار.
وتانىن ساتقاندار ەيەلدەرٸنٸڭ اقمولا لاگەرٸ («الجير») سول جىلدارداعى قاتىگەزدٸك پەن جاۋىزدىقتىڭ قارا تاڭباسىنداي بولدى. مۇندا ساياسي تۇتقىنداردىڭ جاقىن تۋىستارى, ەيەلدەرٸ مەن بالالارى قامالدى.
بٷگٸن بٸز ۇجىمداستىرۋ جىلدارىندا اشتىققا ۇشىراعانداردى, سونداي-اق تۋعان جەرٸنەن كەتۋگە مەجبٷر بولعانداردى دا ەسكە الامىز. بۇل زوبالاڭنىڭ قاسٸرەتٸن ٷش ميلليونعا جۋىق ادام تارتتى.
سول جىلدارداعى وراسان زور ادام شىعىنى مەن تاعدىر تاۋقىمەتٸ ەربٸر ازاماتتىڭ جٷرەگٸنە جارا سالدى.
توتاليتاريزمنەن زارداپ شەككەن كٶپتەگەن ۇلت ٶكٸلدەرٸ ٷشٸن قازاق جەرٸ قۇتتى مەكەنگە اينالدى. اتا-بابالارىمىزدان دارىعان قايسارلىق پەن تٶزٸمدٸلٸكتٸڭ ارقاسىندا قاتاڭ سىننان ابىرويمەن ٶتٸپ, بٸرتۇتاس ۇلت رەتٸندە بٸرٸگۋگە مٷمكٸندٸك الدىق.
بٷگٸندە رەسپۋبليكا ٶڭٸرلەرٸندە «قازاق حالقىنا – مىڭ العىس» مونۋمەنتتەرٸ ورناتىلعان. بۇل – قازاق جۇرتىنىڭ اق پەيٸلٸ مەن دانالىعىنا دەگەن شەكسٸز ريزاشىلىقتىڭ بەلگٸسٸ.
تاريحي ەدٸلدٸكتٸ قالپىنا كەلتٸرۋ جۇمىستارىن اياقتاپ, ساياسي قۋعىن-سٷرگٸن قۇرباندارىن اقتاۋ ٷشٸن ارنايى مەملەكەتتٸك كوميسسييا قۇرۋدى تاپسىردىم.
بٸز جازىقسىز جازالانعانداردىڭ ەرقايسىسىن ەستە ساقتاۋ ارقىلى عانا كەمەل كەلەشەككە جول اشامىز. بولاشاقتىڭ بەرٸك نەگٸزٸ تەۋەلسٸزدٸكتەن باستاۋ الادى.
ٶتكەن عاسىرداعى ەڭ قيلى كەزەڭنٸڭ بٸرٸندە جازىقسىز جاپا شەككەندەردٸڭ رۋحىنا تاعزىم ەتۋ – بارشامىزدىڭ پەرزەنتتٸك بورىشىمىز.
