فوتو: Altainews.kz
مەملەكەت باسشىسىنىڭ تاپسىرماسىنا سەيكەس, ەلٸمٸزدە باسقارۋشىلاردىڭ جاڭا بۋىنىن قالىپتاستىرۋعا باعىتتالعان «بٸلٸم بەرۋدەگٸ 1000 كٶشباسشى» ستراتەگييالىق جوباسى جٷزەگە اسىرىلۋدا, دەپ حابارلايدى Ult.kz.
جوبا حالىقارالىق وزىق تەجٸريبەگە نەگٸزدەلگەن: كٶپتەگەن ەلدەردە مەكتەپ ديرەكتورلارىن تاعايىنداماس بۇرىن ولاردى ارنايى دايارلاۋ مٸندەتتٸ تالاپ سانالادى. قاتىسۋشىلار وقۋدان ٶتٸپ, ٷزدٸك بٸلٸم بەرۋ ۇيىمدارىندا تاعىلىمدامادان ٶتەدٸ جەنە تەلٸمگەرلٸك قولداۋمەن قامتىلادى. بۇل باسقارۋشىلىق قابٸلەتتەردٸ جٷيەلٸ تٷردە دامىتۋعا جەنە سەنٸمدٸ شەشٸم قابىلداي الاتىن جەتەكشٸلەردٸ قالىپتاستىرۋعا مٷمكٸندٸك بەرەدٸ.
بٷگٸنگٸ تاڭدا رەسپۋبليكالىق كادرلىق رەزەرۆكە 583 پەداگوگ ەنگٸزٸلٸپ, ولاردىڭ 397-سٸ كونكۋرستان تىس نەگٸزدە باسشىلىق قىزمەتكە تاعايىندالدى. تەك 2024 جىلدىڭ ٶزٸندە 36 رەزەرۆيست جاڭا ٷلگٸدەگٸ «كەلەشەك مەكتەپتەرٸ» جوباسى اياسىندا سالىنعان مەكتەپتەردٸڭ ديرەكتورلارى بولدى.
جوباعا قاتىسۋشىنىڭ بٸرٸ – №290 جايلى مەكتەپتٸڭ ديرەكتورى مٶلدٸر سماحانوۆا. ول بارلىق كەزەڭنەن ٶتٸپ, باعدارلاماعا ساي جان-جاقتى دايىندىقتان ٶتتٸ. باسشىلىققا تاعايىندالماس بۇرىن زاماناۋي باسقارۋ تەسٸلدەرٸن مەڭگەرٸپ, كەسٸبي داعدىلارىن جەتٸلدٸردٸ.
«بۇل جوبا مەنٸڭ ديرەكتور قىزمەتٸنە دەگەن كٶزقاراسىمدى مٷلدە ٶزگەرتتٸ. قازٸرگٸ زامانعى مەكتەپكە تەك باسقارۋشى ەمەس, ۇجىمدى ىنتالاندىرىپ, مۇعالٸمدەردٸڭ كەسٸبي دامۋىنا جەنە وقۋشىلاردىڭ قابٸلەتٸن تولىق اشۋعا مٷمكٸندٸك بەرەتٸن كٶشباسشى قاجەت. «كەلەشەك مەكتەپتەرٸ» مودەلٸ وسىنداي جاڭا باسقارۋ مەدەنيەتٸن قالىپتاستىرادى», – دەدٸ جوبا تٷلەگٸ.
پرەزيدەنتتٸك جاستار كادرلىق رەزەرۆٸ تەجٸريبەسٸنە نەگٸزدەلگەن بۇل جوبا 2023 جىلدان باستاپ قازاقستان رەسپۋبليكاسى وقۋ-اعارتۋ مينيسترلٸگٸنٸڭ باستاماسىمەن جٷزەگە اسىرىلىپ كەلەدٸ. قاتىسۋشىلاردى ٸرٸكتەۋ پروتسەسٸ بەس كەزەڭنەن تۇرادى: تەستٸلەۋ, وقىتۋ, تاعىلىمداما, قورىتىندى باعالاۋ جەنە سۇحبات. 2024 جىلى 2,5 مىڭنان استام ٷمٸتكەردٸڭ اراسىنان كەسٸبي دايارلىق كۋرسىنا 433 كانديدات ٸرٸكتەلٸپ الىندى.
ايتا كەتەيٸك, بۇعان دەيٸن «ٶرلەۋ» كۋرستارى ارقىلى 4 مىڭعا جۋىق ديرەكتور قايتا دايارلىقتان ٶتكەنٸن جازعانبىز.
