فوتو: Akorda.kz
پرەزيدەنت قاسىم-جومارت توقاەۆ "سامۇرىق-قازىنا" اق باسقارما تٶراعاسى نۇرلان جاقىپوۆتى قابىلدادى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەزدەسۋ بارىسىندا "سامۇرىق-قازىنا" اكتسيونەرلٸك قوعامىن ودان ەرٸ دامىتۋ پەرسپەكتيۆالارى قاراستىرىلدى.
مەملەكەت باسشىسىنا قور توبى اكتيۆتەرٸنٸڭ قۇنىن كٶتەرۋ جولدارى تۋرالى مەلٸمەت بەرٸلدٸ. اتاپ ايتقاندا, كورپوراتيۆتٸك باسقارۋ ەسەبٸنەن پورتفەلدٸ كومپانييالاردىڭ تيٸمدٸلٸگٸن ارتتىرۋ, "تاريفتٸ ينۆەستيتسيياعا ايىرباستاۋ" باعدارلاماسىن ٸسكە اسىرۋ, شاعىن جەنە ورتا بيزنەستٸ قولداۋ جەنە ساتىپ الۋلاردىڭ اشىقتىعى ەسەبٸنەن يمپورتتى الماستىرۋ, سونداي-اق شەتەلدٸك سەرٸكتەستەرمەن بٸرلەسٸپ ينۆەستيتسييا قۇيۋ مەسەلەلەرٸ قارالدى.
سونىمەن قاتار پرەزيدەنتكە قور قىزمەتٸنٸڭ كٷتٸلەتٸن نەتيجەسٸ, ماڭىزدى جوبالار مەن جەكەشەلەندٸرۋ باعدارلاماسىنىڭ ٸسكە اسىرىلۋ بارىسى جٶنٸندە باياندالدى.
كەزدەسۋ سوڭىندا قاسىم-جومارت توقاەۆ ينۆەستيتسييالىق جوبالاردى ۋاقىتىلى ٸسكە اسىرۋعا, قوردىڭ قۇرامىنداعى كومپانييالار توبى قىزمەتٸنٸڭ تيٸمدٸلٸگٸن جەتٸلدٸرۋگە قاتىستى ناقتى تاپسىرمالار بەردٸ.
