قازاقستاننىڭ جاڭادان سايلانعان پرەزيدەنتٸ قاسىم-جومارت توقاەۆ كٶرشٸ ەلدەرمەن اراداعى بايلانىستاردى دامىتۋ مەسەلەسٸنە توقتالدى, دەپ حابارلايدى Sputnik قازاقستان تٸلشٸسٸ.
"مەسەلەن, بٸزدە رەسەيمەن ەكٸ جاقتى بايلانىستاردى دامىتۋعا ارنالعان ٷلكەن باعدارلاما بار. مەن مەسكەۋدە بولعاندا ۆلاديمير پۋتينمەن قازاقستان-رەسەي قارىم-قاتىناستارى بويىنشا جۇمىستا جالعاستىرا بەرەمٸز دەپ كەلٸستٸك. نەگٸزٸ, تۇڭعىش پرەزيدەنتٸمٸز نۇرسۇلتان نازارباەۆ وسى بايلانىستاردىڭ نىعايۋىنا كٶپ ٷلەس قوستى", - دەدٸ توقاەۆ اقوردادا ٶتكەن باسپاسٶز مەسليحاتىندا.
مەملەكەت باسشىسى 14 ماۋسىمدا قىرعىزستانعا ساپار جاسايتىنىن دا ايتتى. ول جاقتا شانحاي ىنتىماقتاستىق ۇيىمىنىڭ سامميتٸ ٶتەدٸ. ودان كەيٸن دۋشانبەگە بارادى.
"جالپى, مەن ٶزٸمٸزدٸڭ كٶرشٸلەرٸمٸز – رەسەي, قىتاي مەن ورتالىق ازييا ەلدەرٸمەن اراداعى قارىم-قاتىناستى دامىتۋعا كٷش سالاتىن بولامىن", - دەپ اتاپ كٶرسەتتٸ توقاەۆ.
