Qazaqstannyń jańadan sailanǵan prezidenti Qasym-Jomart Toqaev kórshi eldermen aradaǵy bailanystardy damytý máselesine toqtaldy, dep habarlaidy Sputnik Qazaqstan tilshisi.
"Máselen, bizde Reseimen eki jaqty bailanystardy damytýǵa arnalǵan úlken baǵdarlama bar. Men Máskeýde bolǵanda Vladimir Pýtinmen Qazaqstan-Resei qarym-qatynastary boiynsha jumysta jalǵastyra beremiz dep kelistik. Negizi, tuńǵysh prezidentimiz Nursultan Nazarbaev osy bailanystardyń nyǵaiýyna kóp úles qosty", - dedi Toqaev Aqordada ótken baspasóz máslihatynda.
Memleket basshysy 14 maýsymda Qyrǵyzstanǵa sapar jasaitynyn da aitty. Ol jaqta Shanhai yntymaqtastyq uiymynyń sammiti ótedi. Odan keiin Dýshanbege barady.
"Jalpy, men ózimizdiń kórshilerimiz – Resei, Qytai men Ortalyq Aziia elderimen aradaǵy qarym-qatynasty damytýǵa kúsh salatyn bolamyn", - dep atap kórsetti Toqaev.
