فوتو: Akorda.kz
قازاقستان مەن ٶزبەكستان پرەزيدەنتتەرٸ شاعىن قۇرامدا كەلٸسسٶز جٷرگٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت قاسىم-جومارت توقاەۆتى حالىقارالىق كونگرەسس ورتالىعىندا رەسمي قارسى الۋ رەسٸمٸ ٶتتٸ. سودان كەيٸن قۇرمەت قاراۋىلىنىڭ باستىعى ەكٸ ەل باسشىلارىنا راپورت بەرٸپ, قازاقستان مەن ٶزبەكستاننىڭ ەنۇراندارى ورىندالعاننان كەيٸن قاسىم-جومارت توقاەۆ پەن شاۆكات ميرزييوەۆ بٸر-بٸرٸنە رەسمي دەلەگاتسييالاردىڭ قۇرامىن تانىستىردى.
بۇدان سوڭ مەملەكەتتەر باسشىلارى شاعىن قۇرامدا كەلٸسسٶز جٷرگٸزدٸ. قازاقستان پرەزيدەنتٸ قوناقجايلىق كٶرسەتٸپ قارسى العان شاۆكات ميرزييوەۆكە ريزاشىلىعىن بٸلدٸرٸپ, مەملەكەتتٸك ساپاردىڭ ماڭىزدىلىعىن اتاپ ٶتتٸ.
– بٸز ٶزبەكستانمەن ىنتىماقتاستىقتى ودان ەرٸ نىعايتۋعا مٷددەلٸمٸز. قازاق پەن ٶزبەك – ەجەلدەن دوستىعى مىزعىماس, سىيلاستىعى جاراسقان باۋىرلاس حالىقتار. ەكٸ ەلدٸڭ سالت-دەستٷرٸ, مەدەنيەتٸ, تٸلٸ, دٸنٸ ۇقساس. تاريحى تامىرلاس, تاعدىرلاس ەلدەرٸمٸزدٸڭ ماقسات-مۇراتى دا ورتاق. سوندىقتان مەن بٷگٸنگٸ ساپارعا ايرىقشا مەن بەرەمٸن. بٸز تاتۋ كٶرشٸلٸككە جەنە سەنٸمدٸ سەرٸكتەستٸككە نەگٸزدەلگەن قارىم-قاتىناستى جاڭا دەڭگەيگە كٶتەرەمٸز دەپ سەنەمٸن. قازاقستان مەن ٶزبەكستان اراسىنداعى ىنتىماقتاستىق نەعۇرلىم تىعىز جەنە تابىستى بولسا, ورتالىق ازيياداعى احۋال سوعۇرلىم تۇراقتى بولادى, – دەدٸ قاسىم-جومارت توقاەۆ.
سونىمەن قاتار مەملەكەت باسشىسى ٶزبەكستان پرەزيدەنتٸنٸڭ جولداۋىمەن تانىسقانىن جەنە بۇل ماڭىزدى قۇجات ٶزبەكستاننىڭ ودان ەرٸ تابىستى دامۋىنا جول اشاتىنىن جەتكٸزدٸ.
شاۆكات ميرزييوەۆ ٶز كەزەگٸندە قازاقستان پرەزيدەنتٸن سايلاۋداعى جەڭٸسٸمەن قۇتتىقتاپ, ٶزبەكستانعا مەملەكەتتٸك ساپارمەن كەلۋ تۋرالى شاقىرۋىن قابىل العانى ٷشٸن ريزاشىلىعىن بٸلدٸردٸ. ٶزبەكستان پرەزيدەنتٸنٸڭ ايتۋىنشا, قاسىم-جومارت توقاەۆتىڭ بۇل ساپارى ەكٸ ەل قارىم-قاتىناستارىنىڭ دامۋىنا تىڭ سەرپٸن بەرٸپ, قول قويىلاتىن قۇجاتتار ناقتى ٸس-ەرەكەتتەرگە بەرٸك نەگٸز بولادى.
پرەزيدەنتتەر ساياسي, ساۋدا-ەكونوميكالىق جەنە مەدەني-گۋمانيتارلىق سالالاردى كەڭەيتۋگە كٶڭٸل بٶلٸپ, قازاق-ٶزبەك ستراتەگييالىق سەرٸكتەستٸگٸنٸڭ اۋقىمدى مەسەلەلەرٸن تالقىلادى. اتاپ ايتقاندا, ەكٸ ەل – ورتالىق ازيياداعى ەڭ ٸرٸ ساۋدا سەرٸكتەستەر. بيىل ساۋدا اينالىمى 35 پايىزعا ٶسٸپ, 5 ميلليارد دوللارعا جۋىقتادى. مۇنداي كٶرسەتكٸشكە ٶنەركەسٸپ, ماشينا جاساۋ, لوگيستيكا, كٶلٸك, ەنەرگەتيكا جەنە باسقا دا سالالاردا بٸرلەسكەن جوبالاردى جٷزەگە اسىرۋ ارقىلى قول جەتكٸزٸلگەنٸنە نازار اۋدارىلدى.
سونداي-اق تاراپتار جاھاندىق جەنە ايماقتىق كٷن تەرتٸبٸندەگٸ ٶزەكتٸ مەسەلەلەردٸ تالقىلادى.
