قر پرەزيدەنتٸ «حالىقارالىق قارىز ارحيتەكتۋراسى جەنە ٶتٸمدٸلٸك» اتتى جوعارى دەڭگەيدەگٸ جيىنعا قاتىستى, دەپ حابارلايدى اقوردانىڭ باسپاسٶز قىزمەتٸ.
مەملەكەت جەنە ٷكٸمەت باسشىلارى دەڭگەيٸندەگٸ ونلاين فورۋمدى ٶتكٸزۋگە بۇۇ باس حاتشىسى انتونيۋ گۋتەرريش, كانادا جەنە يامايكانىڭ پرەمەر-مينيسترلەرٸ دجاستين تريۋدو مەن ەندريۋ حولنەسس مۇرىندىق بولدى. ٸس-شارا COVID-19 پاندەميياسى كەزەڭٸندە حالىقارالىق كٷش-جٸگەردٸ دامۋ باعىتىن قارجىلاندىرۋ سالاسىنا قاراي جۇمىلدىرۋعا ارنالدى.
تەڭٸزگە شىعاتىن جولى جوق دامۋشى مەملەكەتتەر توبىنىڭ تٶراعاسى رەتٸندە سٶز سٶيلەگەن قاسىم-جومارت توقاەۆ كوروناۆيرۋس پاندەميياسى باستالعالى بەرٸ توپقا مٷشە ەلدەر شەتەلدٸك ينۆەستيتسييالاردىڭ ازايۋى, ساۋدا-ساتتىق پەن اقشا اۋدارىمدارىنىڭ تٶمەندەۋٸ, قارجىلىق قارىزداردىڭ ٶسۋٸ, ورتاشا العاندا ەكونوميكانىڭ 2,4 پايىزعا قۇلدىراۋىنا سەبەپ بولعان بيۋدجەت مٷمكٸندٸگٸنٸڭ ايتارلىقتاي كەمۋٸ سەكٸلدٸ اسا قاۋٸپتٸ قۇبىلىستارمەن بەتپە-بەت كەلگەنٸن اتاپ ٶتتٸ.
مەملەكەت باسشىسى تەڭٸزگە شىعاتىن جولى جوق دامۋشى مەملەكەتتەر توبىنا مٷشە ەلدەردٸڭ پاندەمييا سالدارىنان تۋىنداعان قارجىلىق قيىندىقتارىن جەڭٸلدەتۋگە بايلانىستى بٸرقاتار ناقتى ۇسىنىسىن ورتاعا سالدى.
قاسىم-جومارت توقاەۆ دٷنيەجٷزٸلٸك بانكتٸڭ داعدارىسقا قارسى 160 ميلليارد دوللار كٶلەمٸندەگٸ كٶمەگٸ مەن حالىقارالىق ۆاليۋتا قورى بەرەتٸن 1 تريلليون دوللار كرەديت جٷيەسٸن پاندەمييا سالدارىنان ايتارلىقتاي زارداپ شەككەن ەلدەرگە بٶلۋ اسا ماڭىزدى دەپ سانايدى. پرەزيدەنت جاھاندىق قارجى قۇرىلىمدارىن, بۇۇ ينستيتۋتتارىن, سونداي-اق, ٶزگە دە حالىقارالىق جەنە ٶڭٸرلٸك ۇيىمداردى تەڭٸزگە شىعاتىن جولى جوق دامۋشى مەملەكەتتەر توبىنا مٷشە ەلدەردٸڭ ەكونوميكالىق ٶسٸمدٸ قايتا قالپىنا كەلتٸرۋگە باعىتتالعان ٸس-قيمىلى كەزٸندە ولاردىڭ ەرەكشە قاجەتتٸلٸكتەرٸنە باسا مەن بەرۋگە شاقىردى.
سونىمەن قاتار قاسىم-جومارت توقاەۆ بۇۇ-نىڭ تەڭٸزگە شىعاتىن جولى جوق دامۋشى مەملەكەتتەر توبىنا مٷشە ەلدەرگە ارنالعان ۆەنا باعدارلاماسىن جٷزەگە اسىرۋ جٶنٸندەگٸ جول كارتاسىنىڭ ٶزەكتٸلٸگٸ ارتا تٷسكەنٸنە توقتالدى. وسىعان وراي سەرٸكتەس مەملەكەتتەردٸ ادديس-ابەبا باعدارلاماسىندا بەلگٸلەنگەن بارلىق جەتٸ باعىت بويىنشا جٷرگٸزٸلەتٸن جۇمىستاردى جۇمىلا اتقارۋعا, سونداي-اق, دامىتۋ ماقساتىنداعى رەسمي كٶمەكتٸڭ قازٸرگٸ دەڭگەيٸن ساقتاپ قالۋعا ٷندەدٸ.
مەملەكەت باسشىسى حالىقارالىق قوعامداستىقتى تەڭٸزگە شىعاتىن جولى جوق دامۋشى مەملەكەتتەر توبىنا مٷشە ەلدەردٸڭ دەنساۋلىق ساقتاۋ جٷيەسٸن دامىتۋدى قولداۋعا, سونداي-اق, قاجەتتٸ ۆاكتسينانى ۋاقىتىلى جەنە تيٸمدٸ باعادا ساتىپ الۋىنا كٶمەك كٶرسەتۋگە شاقىردى. پرەزيدەنت توپقا مٷشە ەلدەردٸڭ ورنىقتى ينفراقۇرىلىمىن ىنتالاندىرۋ جەنە ساۋدا-ساتتىق رەسٸمدەرٸن جەڭٸلدەتۋ, تسيفرلىق ترانسفورماتسيياعا قول جەتكٸزۋٸنە قولداۋ كٶرسەتۋ قاجەتتٸگٸ تۋرالى اتاپ ٶتٸپ, جەكە سەكتوردىڭ قايتا قالپىنا كەلتٸرۋ جۇمىستارىنا بەلسەندٸ قاتىسۋ كەرەكتٸگٸن ايتتى.
قاسىم-جومارت توقاەۆ مەملەكەتتٸك دەڭگەيدە قابىلدانىپ جاتقان شارالارعا توقتالىپ, قازاقستان «بۇۇ-نىڭ گۋمانيتارلىق كٶمەك كٶرسەتۋ جٶنٸندەگٸ جاھاندىق جوسپارىن» جٷزەگە اسىرۋعا ەلەۋلٸ ٷلەس قوسقانىن جەنە كوروناۆيرۋسقا قارسى كٷرەس كەزٸندە بٸرقاتار شەت مەملەكەتتەرگە جەردەم بەرگەنٸن ەسكە سالدى.
مەملەكەت باسشىسى قازاقستاندىق «KazAID» حالىقارالىق دامۋ اگەنتتٸگٸنٸڭ ٸسكە قوسىلعانى جايىندا مەلٸمدەپ, ورتالىق ازييا ەلدەرٸ مەن اۋعانستانعا قولداۋ كٶرسەتۋ مٷمكٸندٸگٸ بار بۇۇ-نىڭ ورنىقتى دامۋ ورتالىعىن الماتىدا اشۋ جۇمىستارى جايىندا ايتتى. پرەزيدەنت قازاقستاننىڭ ٶزگە مەملەكەتتەر مەن كٶپجاقتى ۇيىمدارعا كٶرسەتكەن قولداۋى رەتٸندە وسىنداي قادام جاساپ وتىرعانىن جەتكٸزدٸ.
قاسىم-جومارت توقاەۆ سٶز سوڭىندا ۆاكتسينا سالۋعا جەنە ەكونوميكانى قايتا قالپىنا كەلتٸرۋگە بٸرشاما ۋاقىت كەتٸپ, سوعان سەيكەس ۇزاقمەرزٸمدٸ پەرسپەكتيۆادا ونىڭ سالدارى ونداعان جىلدار بويىنا ساقتالۋى ىقتيمال ەكەنٸ جايىنداعى بولجامىن ورتاعا سالدى. ونىڭ پٸكٸرٸنشە, ازاماتتاردىڭ وسال توپتارىن, ەلدەر مەن ەكونوميكانى قورعاۋ ٷشٸن قازٸرگٸ قابىلدانىپ جاتقان شارالاردىڭ بارلىعى ورتاق مٷددەنٸ كٶزدەيدٸ. مەملەكەت باسشىسى مۇنىڭ داعدارىستان شىعاتىن بٸردەن-بٸر جول ەكەنٸنە سەنٸمدٸ جەنە ونى حالىقارالىق قوعامداستىقتىڭ ورتاق مٸندەتٸ دەپ سانايدى.
فورۋمعا ارگەنتينا, ۆەنەسۋەلا, ەگيپەت, يتالييا, كانادا, پەكٸستان, تٷركييا, قاتار, فرانتسييا, ەكۆادور, جاپونييا, يامايكا جەنە باسقا دا مەملەكەتتەردٸڭ باسشىلارى, سونداي-اق, بۇۇ باس حاتشىسى انتونيۋ گۋتەرريش, حالىقارالىق ۆاليۋتا قورىنىڭ, ەكونوميكالىق ىنتىماقتاستىق جەنە دامۋ ۇيىمىنىڭ, دٷنيەجٷزٸلٸك بانكتٸڭ, دٷنيەجٷزٸلٸك ساۋدا ۇيىمىنىڭ, ەۋروپالىق وداق پەن افريكالىق وداقتىڭ جەتەكشٸلەرٸ قاتىستى.
