پرەزيدەنت سايلاۋىندا جەڭٸسكە جەتكەن قاسىم-جومارت توقاەۆ شەرۋگە شىققاندارمەن ديالوگ ورناتۋعا دايىن. بۇل تۋرالى مەملەكەت باسشىسى وتاندىق جەنە شەتەلدٸك باق ٶكٸلدەرٸمەن كەزدەسۋ كەزٸندە ايتتى, دەپ حابارلايدى Sputnik قازاقستان تٸلشٸسٸ.
"يە, شىنىمەن, الماتى مەن ەلوردادا بٸر توپ ازامات نارازىلىعىن بٸلدٸرۋ ٷشٸن كٶشەگە شىقتى. قازاقستان رەسپۋبليكاسىنىڭ زاڭناماسى تۇرعىسىنان قاراساق, باس پروكۋراتۋرانىڭ ەسكەرتۋٸنە قاراماستان, اتالعان ەرەكەتتەر زاڭسىز دەپ سارالانۋى مٷمكٸن. ەلٸمٸزدە بوستاندىق بار ما دەگەنگە توقتالسام, قازاقستاندا بوستاندىق بار", - دەدٸ توقاەۆ.
ونىڭ ايتۋىنشا, نارازىلىق شەرۋلەرٸ كەزٸندە كەيبٸر ازاماتتار پوليتسييا قىزمەتكەرلەرٸن ەدەيٸ ارانداتقاننان كەيٸن, ولاردىڭ تاراپىنان قاجەتتٸ شارالار قابىلدانعان.
"بۇل ازاماتتار شەتتەن كەلەتٸن اقپاراتتى تۇتىنىپ, زاڭسىز ەرەكەتتەرگە بارعان, باسقا ازاماتتاردىڭ ٶمٸرٸنە قاۋٸپ تٶندٸردٸ. ازاماتتار پوليتسييا ورگاندارىنا جٷگٸنٸپ, ولاردىڭ تىنىشتىعىن قامتاماسىز ەتۋدٸ سۇراعان. سوندىقتان مەن مٷمكٸندٸكتٸ پايدالانىپ, ٶز قىزمەتٸن كەسٸبي جەنە ابىرويمەن اتقارعان پوليتسييا قىزمەتكەرلەرٸنە العىس ايتقىم كەلەدٸ", - دەدٸ مەملەكەت باسشىسى.
توقاەۆ سايلاۋ قارساڭىندا قۇقىق قورعاۋ ورگاندارىنا ٶزدەرٸن بايسالدى ۇستاۋعا تاپسىرما بەرگەنٸن ايتتى.
"ولار نارازىلىق شەرۋٸ كەزٸندە سولاي جاسادى. بولاشاقتا دا ٶزدەرٸن دەل وسىلاي ۇستايتىن بولادى", - دەدٸ پرەزيدەنت.
مەملەكەت باسشىسى باس كٶتەرگەندەرمەن ديالوگقا دايىن ەكەنٸن جەتكٸزدٸ.
"مەن نارازىلىق شەرۋٸنە شىققاندارعا ديالوگ فورماسىن ۇسىنۋ قاجەت دەپ سانايمىن. بۇعان دەيٸن قوعامدىق سەنٸم كوميتەتٸ قۇرىلاتىنىن ايتقان ەدٸم, ونىڭ قۇرامىنا بٸزدٸڭ قوعامنىڭ تٷرلٸ توپتارىنىڭ ٶكٸلدەرٸ كٸرەدٸ, وندا پٸكٸر الماساتىن بولامىز. مەنٸڭ پوزيتسييام تۋرالى قوعامدا ەرتٷرلٸ پٸكٸر بولۋى مٷمكٸن, بٸراق بٸز - بٸرتۇتاس ۇلتپىز. سان پٸكٸر – بٸرتۇتاس ۇلت", - دەدٸ ول.
سونداي-اق, جيىندا جۋرناليستەر وعان كەشكٸ ۋاقىتتا ەلەۋمەتتٸك جەلٸلەردٸڭ بۇعاتتالاتىنىن ايتىپ شاعىمداندى.
"جەلٸلەردٸ بۇعاتتاۋعا كەلسەك, مەن ٶزٸم ەلەۋمەتتٸك جەلٸلەردٸڭ بەلسەندٸ قولدانۋشىسىمىن. تۆيتتەردەگٸ پاراقشامدى جەكە ٶزٸم جٷرگٸزەمٸن. سوندىقتان, اشىعىن ايتسام, ەلەۋمەتتٸك جەلٸلەردٸڭ بۇعاتتالاتىنىن حابارسىز بولدىم. بٸراق, قۇقىق قورعاۋ ورگاندارىنا تيٸستٸ تاپسىرمالار بەرٸلەدٸ", - دەدٸ توقاەۆ.
دەسە دە, مەملەكەت باسشىسى ەلدەۋمەتٸك جەلٸلەر دەسترۋكتيۆتٸ ماقساتتا قولدانىلماۋى كەرەكتٸگٸن ەسكە سالدى.
