قاسىم-جومارت توقاەۆ رەفورمالار جٶنٸندەگٸ جوعارى كەڭەستٸڭ وتىرىسىن ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
رەفورمالار جٶنٸندەگٸ جوعارى كەڭەستٸڭ كەزەكتٸ وتىرىسىندا مەملەكەتتٸك جوسپارلاۋ جٷيەسٸن قايتا قۇرۋ ەدٸستەرٸ قاراستىرىلىپ, ماكروەكونوميكالىق ساياسات, ەلەۋمەتتٸك سالانى دامىتۋ, ەكونوميكانى ەرتاراپتاندىرۋ جەنە بيزنەستٸ رەتتەۋ, سوت جەنە قۇقىق قورعاۋ جٷيەلەرٸن رەفورمالاۋ, مەملەكەتتٸك باسقارۋ جەنە مەملەكەتتٸك قىزمەت كٶرسەتۋ جٶنٸندەگٸ كونسۋلتاتيۆتٸك كوميتەتتەردٸڭ جەتەكشٸلەرٸ بايانداما جاسادى.
جيىندا رەفورمالار جٶنٸندەگٸ جوعارى كەڭەستٸڭ مٷشەلەرٸ: ستراتەگييالىق جوسپارلاۋ جەنە رەفورمالار اگەنتتٸگٸنٸڭ تٶراعاسى قايرات كەلٸمبەتوۆ, پرەزيدەنتتٸڭ كەڭەسشٸسٸ – رەفورمالار جٶنٸندەگٸ جوعارى كەڭەس تٶراعاسىنىڭ ورىنباسارى سەر سۋما چاكرابارتي, پرەمەر-مينيستر اسقار مامين, پرەزيدەنت ەكٸمشٸلٸگٸنٸڭ باسشىسى ەرلان قوشانوۆ, پرەزيدەنت ەكٸمشٸلٸگٸ باسشىسىنىڭ ورىنباسارى تيمۋر سٷلەيمەنوۆ, «اتامەكەن» ۇلتتىق كەسٸپكەرلەر پالاتاسى پرەزيديۋمىنىڭ تٶراعاسى تيمۋر قۇلىباەۆ سٶز سٶيلەدٸ.
مەملەكەت باسشىسى ٶز سٶزٸندە مەملەكەتتٸك جوسپارلاۋدىڭ جاڭا جٷيەسٸ باعدارلامالار مەن رەفورمالاردىڭ دەيەكتٸلٸگٸن جەنە ٶزارا ساباقتاستىعىن قامتاماسىز ەتۋگە تيٸس ەكەنٸن اتاپ ٶتتٸ.
– مەملەكەتتٸك جوسپارلاۋدىڭ جاڭا جٷيەسٸ دوگماتيزم مەن كٶزبوياۋشىلىقتان تولىق ادا بولۋى قاجەت. سۇلۋ سٶز قانشالىقتى از بولسا, مازمۇنى سونشالىق باي بولادى. ول اتقارۋشىلارعا ٸس-قيمىل ەركٸندٸگٸن بەرۋ ٷشٸن ٶتە پراگماتيكالىق بولۋى تيٸس. اتقارۋشىلارعا قوسىمشا جۇمىس جٷكتەمەۋ اسا ماڭىزدى. ياعني, باسقا ناقتى ٸستەرگە نۇقسان كەلتٸرمەۋ ٷشٸن بۇل باعىتتاعى جۇمىستارعا كٷش تٷسٸرمەۋ كەرەك. ٷكٸمەت ساراپشىلاردىڭ قوعامداستىعىمەن جەنە جۇرتشىلىقپەن تىعىز ىقپالداستىقتا جۇمىس ٸستەۋٸ تيٸس, – دەدٸ مەملەكەت باسشىسى.
پرەزيدەنت مەملەكەتتٸك جوسپارلاۋ رەفورماسى جٷيەسٸندە تسيفرلاندىرۋدى جەدەلدەتۋ مەسەلەسٸنە باسا مەن بەرۋدٸ تاپسىردى. سونىمەن قاتار مەملەكەتتٸك ورگاندار جٷزەگە اسىرىپ جاتقان قۇجاتتار مەن باعدارلامالاردىڭ بارلىق ساتىسىنا تالداۋ جاساۋ قاجەت.
– تەۋەلسٸزدٸك جىلدارىندا كٶپتەگەن باعدارلاما جاسالدى. ونىڭ بٸرازى كٷشٸن جويدى, جاڭا باعدارلامالار مەن قۇجاتتار پايدا بولۋدا. ولاردىڭ بەرٸن ساتىلى تٷردە جٷيەلەپ, قاجەت ەمەستەرٸنەن ارىلۋ كەرەك. جوسپارلاۋدىڭ اتقارۋشىلارعا جەنە حالىققا مەيلٸنشە تٷسٸنٸكتٸ ەرٸ اشىق جٷيەسٸن جاساعان جٶن.
مەملەكەت باسشىسى كونسۋلتاتيۆتٸك كوميتەتتەر جۇمىسىنىڭ ماڭىزدىلىعىنا نازار اۋدارىپ, بٸرٸنشٸ كەزەكتەگٸ رەفورمالاردىڭ تٸزٸمٸن انىقتاۋعا جەنە ولاردى جٷزەگە اسىرۋ جٶنٸندەگٸ ۇسىنىستارعا بايلانىستى ناقتى مٸندەت جٷكتەدٸ. سونداي-اق پرەزيدەنت ەلەۋمەتتٸك كودەكس, «تسيفرلىق قازاقستان», «اٶك-2025» سيياقتى ٸرٸ رەفورمالاردىڭ ەزٸرلەنۋٸنە ەرەكشە نازار اۋدارۋدى تاپسىردى. بارلىق تاراپتار ٷشٸن اشىق ەرٸ بٸرىڭعاي تەرتٸپ ورناتۋدىڭ مەنٸ زور. ەدٸل بەسەكەلەستٸك قالىپتاستىرۋ, ەكٸمشٸلٸك قىسىمداردى بولدىرماۋ – ەكونوميكالىق ٶسٸمنٸڭ جٷيەلٸ شارتى.
پرەزيدەنت سوت جەنە قۇقىق قورعاۋ جٷيەلەرٸن رەفورمالاۋ مەسەلەسٸنە دە نازار اۋداردى. ونىڭ پٸكٸرٸنشە, سوت جەنە قۇقىق قورعاۋ قىزمەتٸنە وزىق IT-تەحنولوگييانى ەنگٸزۋ جەنە تسيفرلاندىرۋ جۇمىستارىن جالعاستىرۋ كەرەك. سۋديالار كورپۋسى مەن قۇقىق قورعاۋ ورگاندارىنداعى جەكە قۇرامنىڭ كەسٸبي بٸلٸكتٸلٸگٸن ارتتىرۋعا باسا مەن بەرۋ قاجەت.
– بٸزگە جٷيەلٸ, سونىڭ ٸشٸندە, كادرلىق سيپاتتاعى شارالار قابىلداۋ كەرەك. جوعارعى سوتتىڭ سۋدياسى نەمەسە وبلىستىق سوتتاردىڭ تٶراعاسى بولسىن سۋديا لاۋازىمىنا تاعايىنداعان كەزدە, ەڭ الدىمەن, سۋديالار كورپۋسىنىڭ ٶزٸندە ٷلكەن مەسەلە تۋىندايدى. ولار بٸر-بٸرٸن كەسٸبي بٸلٸكسٸز, جەكە جەنە باسقا دا بايلانىستارىن پايدالانادى دەپ كٸنەلايدى. وسى تيٸمسٸز تەندەنتسييالاردى بٸرجولا جويۋ قاجەت, – دەدٸ مەملەكەت باسشىسى.
قاسىم-جومارت توقاەۆ ٶز سٶزٸندە رەفورمالار جٷرگٸزۋ بارىسىندا بارلىق زاڭنامالىق ٶزگەرٸستەر مۇقييات ەرٸ ەگجەي-تەگجەيلٸ پىسىقتالۋى كەرەك ەكەنٸن ايتتى.
– بۇل جەردە مىناداي مەسەلەلەردٸ تٷسٸنۋ ماڭىزدى: قىلمىستىق جەنە قىلمىستىق-پروتسەسسۋالدىق زاڭنامانىڭ جيٸ ٶزگەرۋٸ قۇقىق قولدانۋ تەجٸريبەسٸنٸڭ تۇراقتىلىعىنا نۇقسان كەلتٸرەدٸ. قاتەلەسۋ قاۋپٸن ارتتىرادى. بۇل ازاماتتارىمىزدىڭ تاعدىرىنا ەسەر ەتۋٸ مٷمكٸن. سوندىقتان بۇل باعىتتاعى قادامىمىز دۇرىس. كەلەسٸ جىلى وسى سالاداعى رەفورمالار جاقسى قارقىن الىپ, ناقتى نەتيجەلەر كٶرسەتۋٸ تيٸس, – دەدٸ مەملەكەت باسشىسى.
قاسىم-جومارت توقاەۆ جوعارى مەملەكەتتٸك باسقارۋدىڭ بارلىق جٷيەسٸ قازاقستان حالقىنا ادال, شىنايى قىزمەت ەتۋٸ كەرەك ەكەنٸن ايتتى. مەملەكەتتٸك باسقارۋدىڭ بارلىق جٷيەسٸن – مەملەكەتتٸك قىزمەتتەن جەرگٸلٸكتٸ ٶزٸن-ٶزٸ باسقارۋ دەڭگەيٸنە دەيٸن ٸس جٷزٸندە قايتا قۇرۋ قاجەت.
جيىن قورىتىندىسى بويىنشا قر پرەزيدەنتٸ جانىنداعى رەفورمالار جٶنٸندەگٸ جوعارى كەڭەستٸڭ 2021 جىلعا ارنالعان جۇمىس جوسپارى جەنە كونسۋلتاتيۆتٸك كوميتەتتەردٸڭ قۇرامى بەكٸتٸلدٸ.
