پرەزيدەنت قاسىم-جومارت توقاەۆ سامارقاند قالاسىندا ٶتەتٸن تٷركٸ مەملەكەتتەرٸ ۇيىمىنىڭ سامميتٸ اياسىندا ماجارستان پرەمەر-مينيسترٸ ۆيكتور وربانمەن كەزدەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸ سٸلتەمە جاساپ.
مەملەكەت باسشىسى قازاقستان مەن ماجارستان اراسىنداعى قارىم-قاتىناستى, ونىڭ ٸشٸندە ەكونوميكالىق ىنتىماقتاستىقتى ودان ەرٸ نىعايتۋعا نيەتتٸ ەكەنٸن بٸلدٸردٸ.
"بٸزدٸڭ ەلدەر اراسىنداعى بايلانىس جاقسى دامىپ كەلە جاتىر. ەيتسە دە بٸز ەكٸ مەملەكەتتٸڭ ىنتىماقتاستىعىنا تىڭ سەرپٸن بەرۋٸمٸز كەرەك دەپ ويلايمىن. ەسٸرەسە, اراداعى ساۋدا اينالىمىنىڭ كٶلەمٸ ەلٸ دە قاناعاتتانارلىق دەڭگەيدە ەمەس. بۇل باعىتتا ەكٸ ەلدٸڭ دە ەلەۋەتٸ زور. ماجارستان – قازاقستان ٷشٸن ماڭىزدى سەرٸكتەس ەل. سٸز پرەمەر-مينيستر رەتٸندە بٸزدٸڭ تٷرلٸ سالاداعى ىنتىماقتاستىعىمىزدى ٸلگەرٸلەتۋگە كٶپ ەڭبەك سٸڭٸرٸپ كەلە جاتقانىڭىزدى بٸلەمٸن", – دەدٸ توقاەۆ.
ٶز كەزەگٸندە ماجارستان پرەمەر-مينيسترٸ ۆيكتور وربان ەكٸجاقتى كەزدەسۋدٸ ۇيىمداستىرعانى ٷشٸن قازاقستان تاراپىنا العىس ايتتى.
– قازاقستان مەن ماجارستان اراسىنداعى قارىم-قاتىناستىڭ ورنى ەرەكشە. مەن وسىدان بٸرنەشە جىل بۇرىن العاش رەت پرەمەر-مينيستر قىزمەتٸن اتقارعاندا قازاقستان مەن ماجارستاننىڭ مەدەني, ەكونوميكالىق بايلانىستارى ٶتە بەرٸك بولعانىن بٸلەمٸن. ەندٸ ەكٸ ەلدٸڭ ىنتىماقتاستىعىنا بيزنەس ٶكٸلدەرٸ تىڭ سەرپٸن بەرۋٸ كەرەك. قازاقستاننىڭ ٸرٸ كومپانييالارى ماجارستانعا ينۆەستيتسييا قۇيسا, ەكونوميكالىق قارىم-قاتىناسىمىز جاڭا دەڭگەيگە كٶتەرٸلەر ەدٸ, – دەدٸ ماجارستان پرەمەر-مينيسترٸ.
كەزدەسۋدە قازاقستان مەن ماجارستان اراسىنداعى مەدەني-گۋمانيتارلىق بايلانىستار, سونداي-اق حالىقارالىق جەنە ايماقتىق كٷن تەرتٸبٸندەگٸ مەسەلەلەر تالقىلاندى.
