جوعارى ەۋرازييالىق ەكونوميكالىق كەڭەس الاڭىندا قاسىم-جومارت توقاەۆ سينگاپۋر پرەمەر-مينيسترٸ لي سيان لۋنمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا مەملەكەت باسشىسى ەكٸ ەلدٸڭ اراسىنداعى قارىم-قاتىناستىڭ دوستىق نيەتكە قۇرالعانىن اتاپ ٶتتٸ.
– بٸز سٸزدٸڭ ەلدٸ قۇرمەتتەيمٸز. بٷگٸنگٸ سينگاپۋردىڭ نەگٸزٸن قالاعان سٸزدٸڭ ەكەڭٸز لي كۋان يۋ قازاقستاننىڭ تۇڭعىش پرەزيدەنتٸ نۇرسۇلتان نازارباەۆپەن جاقىن دوستىق قارىم-قاتىناستا بولعانى, ونىڭ 90-جىلداردىڭ باسىندا قازاقستانعا كەلگەنٸ ەسٸمٸزدە. ەكٸ ەل اراسىنداعى تىعىز ىنتىماقتاستىققا بەرٸك نەگٸز بار دەپ ويلايمىن, – دەدٸ قاسىم-جومارت توقاەۆ.
ٶز كەزەگٸندە سينگاپۋر پرەمەر-مينيسترٸ دە ەكٸ ەل اراسىنداعى ٶزارا قارىم-قاتىناستى ودان ەرٸ نىعايتۋعا نيەتتٸ ەكەنٸن ايتتى.
– بٸز قازاقستانمەن اراداعى ىنتىماقتاستىقتى ودان ەرٸ دامىتۋعا نيەتتٸمٸز. ٶزٸڭٸزبەن پرەزيدەنت رەتٸندە بٸرلەسە جۇمىس ٸستەۋگە اسىقپىن, – دەدٸ لي سيان لۋن.
تاراپتار ەكٸ جاقتى ساۋدا-ەكونوميكالىق, ينۆەستيتسييالىق بايلانىستاردى ارتتىرۋدى, سونداي-اق, «استانا» حالىقارالىق قارجى ورتالىعى اياسىندا قالىپتاسىپ كەلە جاتقان ٶزارا قارىم-قاتىناستىڭ كٶكجيەگٸن كەڭەيتۋ جايىن اتاپ ٶتتٸ.
كەزدەسۋ سوڭىندا قاسىم-جومارت توقاەۆ سينگاپۋر پرەمەر-مينيسترٸن ەلٸمٸزگە ارنايى ساپارمەن كەلۋگە شاقىردى.
– بٸز سٸزدٸ ٶزٸڭٸزگە ىڭعايلى كەز كەلگەن ۋاقىتتا كٷتەمٸز. سٸزدٸڭ ساپارىڭىز ٶزارا ىنتىماقتاستىقتى دامىتۋ ٷشٸن بٸرقاتار ناقتى مەسەلەلەردٸ تالقىلاۋعا جاقسى مٷمكٸندٸك بەرەدٸ,– دەدٸ قازاقستان پرەزيدەنتٸ.
