قازاقستان پرەزيدەنتٸ قىرعىز رەسپۋبليكاسىنىڭ سىرتقى ٸستەر مينيسترٸ رۋسلان قازاقباەۆتى قابىلدادى, دەپ حابارلايدى اقوردا.
قاسىم-جومارت توقاەۆ قازاقستانعا جۇمىس ساپارىمەن كەلگەن قىرعىز رەسپۋبليكاسىنىڭ سىرتقى ٸستەر مينيسترٸ رۋسلان قازاقباەۆتى قابىلدادى.
مەملەكەت باسشىسى ەكٸ ەل اراسىنداعى ٶزارا ٸس-قيمىلداردىڭ دەڭگەيٸن جوعارى باعالادى.
– قازاقستان مەن قىرعىزستان ەڭ جاقىن مەملەكەتتەر. بٸزدٸ بٶلٸپ تۇرعان ەشتەڭە جوق, كەرٸسٸنشە ەلدەرٸمٸزدٸ بٸرٸكتٸرۋشٸ فاكتورلار ٶتە كٶپ. قازاقستان ٷشٸن قىرعىزستان – سەنٸمدٸ وداقتاس, ماڭىزدى ستراتەگييالىق سەرٸكتەس جەنە باۋىرلاس ەل, – دەدٸ قاسىم-جومارت توقاەۆ.
پرەزيدەنت قىرعىزستاندا بولىپ جاتقان وقيعالاردى قازاقستاننىڭ مۇقييات باقىلاپ وتىرعانىن, ونى قىرعىز ەلٸنٸڭ ٸشكٸ مەسەلەسٸ دەپ قارايتىنىن اتاپ ٶتتٸ.
– باۋىرلاس قىرعىز ەلٸنٸڭ بولاشاعىنا الاڭدايمىز. سوندىقتان قىرعىزستانعا كٶمەك كٶرسەتۋ ٷشٸن بارلىق مٷمكٸندٸكتەردٸ قاراستىرامىز. بۇعان دەيٸنگٸ كەلٸسٸمدەر نەگٸزٸندە ەكٸ ەل اراسىنداعى قارىم-قاتىناستاردى دامىتۋدى جالعاستىرا بەرەمٸز, – دەدٸ مەملەكەت باسشىسى.
رۋسلان قازاقباەۆ ٶز كەزەگٸندە قاسىم-جومارت توقاەۆقا قابىلداعانى جەنە قىرعىزستانداعى كٷردەلٸ كەزەڭدە قولداۋ بٸلدٸرگەنٸ, كوروناۆيرۋس پاندەميياسى كەزٸندە گۋمانيتارلىق كٶمەك كٶرسەتكەنٸ ٷشٸن العىس ايتتى.
– مەنٸڭ ساپارىمنىڭ باستى ماقساتى – ەلٸمٸزدە بولىپ جاتقان ٸشكٸ ساياسي ٶزگەرٸستەرگە قاراماستان باۋىرلاس قازاق ەلٸنە قاتىستى سىرتقى ساياسي باعدارىمىزدىڭ ٶزگەرمەيتٸنٸن ايقىنداۋ. قىرعىز رەسپۋبليكاسى باۋىرلاس قازاق ەلٸمەن اراداعى جاقسى قارىم-قاتىناستاردى قاشان دا قۇرمەت تۇتادى جەنە سولاي قالا بەرەدٸ. ەلٸمٸزدٸڭ جاڭا باسشىلىعى باۋىرلاس ەكٸ ەلدٸڭ تٷپكٸ مٷددەلەرٸنە ساي كەلەتٸن بارلىق باعىتتار بويىنشا قىرعىز-قازاق قاتىناستارىن ودان ەرٸ نىعايتىپ, ارتتىرۋعا نيەتتٸ, – دەدٸ قىرعىستاننىڭ سىرتقى ٸستەر مينيسترٸ.
پرەزيدەنت مينيسترمەن كەزدەسۋ بارىسىندا ساياسي, ساۋدا-ەكونوميكالىق, ينۆەستيتسييالىق, كٶلٸك-ترانزيتتٸك جەنە سۋ-ەنەرگەتيكا سالالارىنداعى ىنتىماقتاستىقتى نىعايتۋ مەسەلەلەرٸنە ەرەكشە كٶڭٸل بٶلدٸ.
