قازاقستان پرەزيدەنتٸ ٶتكٸزگەن جيىنعا باس پروكۋراتۋرانىڭ, ٸشكٸ ٸستەر مينيسترلٸگٸنٸڭ, ۇلتتىق قاۋٸپسٸزدٸك كوميتەتٸنٸڭ جەنە قاۋٸپسٸزدٸك كەڭەسٸ اپپاراتىنىڭ باسشىلارى قاتىستى, دەپ حابارلايدى اقوردا.
قاسىم-جومارت توقاەۆقا قۇقىق قورعاۋ ۆەدومستۆولارىنىڭ جۇمىسى, زاڭنامالاردىڭ ساقتالۋىن قاداعالاۋ تۋرالى ەسەپ بەرٸلدٸ.
مەملەكەت باسشىسى زاڭدىلىقتى كٷشەيتۋ, ەلٸمٸزدە تۇراقتىلىق پەن قۇقىقتىق تەرتٸپتٸ ساقتاۋ باعىتىندا قۇقىق قورعاۋ ورگاندارىنىڭ جاۋاپكەرشٸلٸگٸ جوعارى ەكەنٸن ايتتى.
قاسىم-جومارت توقاەۆ ازاماتتاردىڭ قۇقىعى مەن مٷددەسٸن قورعاپ, سوزىلىپ بارا جاتقان كوروناۆيرۋس پاندەميياسى كەزٸندە ولاردىڭ دەنساۋلىعىن ساقتاۋ ٷشٸن جاعداي جاساۋداعى كٷشتٸك قۇرىلىمداردىڭ رٶلٸنە توقتالدى.
سونىمەن قاتار جٷرگٸزٸلٸپ جاتقان ساياسي رەفورمالار بارىسىندا زاڭناما نورمالارىنىڭ رەفورمالانۋى جٶنٸندە جۇرتشىلىققا ەگجەي-تەگجەيلٸ تٷسٸندٸرۋ جۇمىستارىن ۇيىمداستىرۋ قاجەتتٸگٸنە ەرەكشە نازار اۋدارىلدى.
