Qazaqstan Prezidenti ótkizgen jiynǵa Bas prokýratýranyń, Ishki ister ministrliginiń, Ulttyq qaýipsizdik komitetiniń jáne Qaýipsizdik keńesi apparatynyń basshylary qatysty, dep habarlaidy Aqorda.
Qasym-Jomart Toqaevqa quqyq qorǵaý vedomstvolarynyń jumysy, zańnamalardyń saqtalýyn qadaǵalaý týraly esep berildi.
Memleket basshysy zańdylyqty kúsheitý, elimizde turaqtylyq pen quqyqtyq tártipti saqtaý baǵytynda quqyq qorǵaý organdarynyń jaýapkershiligi joǵary ekenin aitty.
Qasym-Jomart Toqaev azamattardyń quqyǵy men múddesin qorǵap, sozylyp bara jatqan koronavirýs pandemiiasy kezinde olardyń densaýlyǵyn saqtaý úshin jaǵdai jasaýdaǵy kúshtik qurylymdardyń róline toqtaldy.
Sonymen qatar júrgizilip jatqan saiasi reformalar barysynda zańnama normalarynyń reformalanýy jóninde jurtshylyqqa egjei-tegjeili túsindirý jumystaryn uiymdastyrý qajettigine erekshe nazar aýdaryldy.
