مەملەكەت باسشىسى قاسىم-جومارت توقاەۆ ارمەنييا پرەمەر-مينيسترٸ نيكول پاشينيانمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا ەكٸجاقتى ساۋدا-ەكونوميكالىق ەرٸپتەستٸك پەن كٶلٸك-لوگيستيكالىق ىنتىماقتاستىق مەسەلەلەرٸ تالقىلاندى.
قاسىم-جومارت توقاەۆ نيكول پاشينيانعا قوناقجايلىعى مەن جوعارى ەۋرازييالىق ەكونوميكالىق كەڭەس وتىرىسىن بيٸك دەرەجەدە ۇيىمداستىرعانى ٷشٸن العىس بٸلدٸرە وتىرىپ, ەكٸ ەل اراسىندا قالىپتاسقان سەنٸمدٸ ديالوگتى اتاپ ٶتتٸ.
– قازاق حالقى ارميان حالقىن قۇرمەتتەيدٸ. بٸز قوس مەملەكەت اراسىنداعى قارىم-قاتىناستى نىعايتۋعا نيەتتٸمٸز. ەكٸ ەلدٸڭ ورتاسىنداعى ساۋدا-ەكونوميكالىق ىنتىماقتاستىققا ەرەكشە نازار اۋدارۋىمىز كەرەك. جۇمىستى جانداندىرىپ قانا قويماي, بەرٸك ىنتىماقتاستىقتىڭ قوسىمشا مٷمكٸندٸكتەرٸن قاراستىرۋ قاجەت, – دەپ اتاپ ٶتتٸ قاسىم-جومارت توقاەۆ.
نيكول پاشينيان ەكونوميكا سالاسىنداعى قازاقستان مەن ارمەنييانىڭ ٶزارا قارىم-قاتىناسى ودان ەرٸ جاندانا بەرەتٸنٸنە سەنٸم بٸلدٸردٸ.
– سوڭعى ۋاقىتتا بٸزدٸڭ ساۋدا-ەكونوميكا سالاسىنداعى قارىم-قاتىناستارىمىز جاڭا بەلەسكە كٶتەرٸلدٸ. بٸراق بٸزدٸڭ ەلەۋەتٸمٸز بۇدان ەلدەقايدا جوعارى دەپ ويلايمىن. بٸز وسى ەلەۋەتٸمٸزدٸ بارىنشا جانداندىرۋعا كٷش سالۋىمىز كەرەك. ٶيتكەنٸ ەۋرازييالىق ەكونوميكالىق وداق بٸزدٸڭ ەلدەرٸمٸز ٷشٸن جاڭا مٷمكٸندٸكتەر اشىپ وتىر, – دەدٸ ارمەنييا پرەمەر-مينيسترٸ.
