مەملەكەت باسشىسى بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكاريانى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆقا كوروناۆيرۋسقا قارسى وتاندىق ۆاكتسينانىڭ ەزٸرلەنۋ بارىسى تۋرالى اقپارات بەرٸلدٸ.
كٷنسۇلۋ زاكاريانىڭ مەلٸمەتٸنە سەيكەس بٷگٸنگٸ تاڭدا ينستيتۋتتىڭ بازاسىنداعى بەس پلاتفورمادا كوروناۆيرۋسقا قارسى ۆاكتسينالار دايىندالۋدا. ينستيتۋت ەزٸرلەگەن بەلسەندٸ ەمەس ۆاكتسينا دٷنيەجٷزٸلٸك دەنساۋلىق ساقتاۋ ۇيىمىندا ماقۇلدانىپ, كلينيكالىق زەرتتەۋلەردٸڭ بٸرٸنشٸ كەزەڭٸنەن ٶتتٸ جەنە قازٸرگٸ ۋاقىتتا ۇلتتىق عىلىمي فتيزيوپۋلمونولوگييا ورتالىعىندا زەرتتەۋدٸڭ ەكٸنشٸ كەزەڭٸ جٷرگٸزٸلٸپ جاتىر.
كوروناۆيرۋس ٸندەتٸنە قارسى ەزٸرلەنٸپ جاتقان وتاندىق ەكٸنشٸ سۋببٸرلٸكتٸ ۆاكتسينا ددسۇ تاراپىنان ماقۇلدانىپ, كلينيكالىق زەرتتەۋلەردەن سەتتٸ ٶتكەن. بۇل ۆاكتسينانىڭ ماتەريالدارى دەرٸلٸك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىندا قارالىپ جاتىر.
پرەزيدەنتكە قازاقستاندا بۇرىن-سوڭدى بولماعان يممۋندىق پرەپاراتتار شىعاراتىن زاۋىت قۇرىلىسى تۋرالى دا مەلٸمەت بەرٸلدٸ. عىلىمي-زەرتتەۋ ينستيتۋتىندا وتاندىق ۆاكتسينالار شىعاراتىن زاۋىت قۇرىلىسى جٷرگٸزٸلۋدە. زاۋىتتىڭ جوبالىق قۋاتى جىلىنا 60 ميلليون مٶلشەردە ۆاكتسينا شىعارۋعا جەتەدٸ. وسى ارقىلى وتاندىق نارىقتى عانا قامتىپ قويماي, ونى ەكسپورتتاۋعا دا مٷمكٸندٸك تۋادى. اتالعان زاۋىت ٸسكە قوسىلعان كەزدە ەلٸمٸز يمپورتتىق تەۋەلدٸلٸكتەن ارىلادى.
مەملەكەت باسشىسى عىلىمي-زەرتتەۋ ينستيتۋتىنىڭ قىزمەتكەرلەرٸنە ارنالعان تۇرعىن ٷي قۇرىلىسىنىڭ قارقىنىن ارتتىرۋ ۇسىنىسىن قولدادى. سونىمەن قاتار كەزدەسۋدە قىزمەتكەرلەردٸڭ جالاقىسىن كٶتەرۋ, اتالعان سالاعا جاس مامانداردى كٶپتەپ تارتۋ, نورماتيۆتٸك-قۇقىقتىق اكتٸلەرگە ۆاكتسينانى ۋاقىتشا تٸركەۋ تٷسٸنٸگٸن ەنگٸزۋ مەسەلەلەرٸ قوزعالدى.
كەزدەسۋ سوڭىندا قاسىم-جومارت توقاەۆ وتاندىق ۆاكتسينالاردى دايىنداۋ ٸسٸنە قاتىستى بٸرقاتار ناقتى تاپسىرما بەردٸ.
