قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ماقالاسىندا ەگەمەندٸگٸمٸزدٸڭ مەڭگٸلٸك ٷشتاعانى – ٷش قۇندىلىقتى كٶزدٸڭ قاراشىعىنداي ساقتاۋ كەرەكتٸگٸن مەلٸم ەتتٸ, دەپ حابارلايدى "ۇلت اقپارات".
«ەگەمەندٸگٸمٸزدٸڭ مەڭگٸلٸك ٷشتاعانى – التايدان اتىراۋعا, الاتاۋدان ارقاعا دەيٸن كەڭ كٶسٸلگەن بايتاق جەرٸمٸز, انانىڭ اق سٷتٸمەن بويىمىزعا دارىعان قاستەرلٸ تٸلٸمٸز جەنە بارلىق قيىندىقتاردان حالقىمىزدى سٷرٸندٸرمەي الىپ كەلە جاتقان بەرەكە-بٸرلٸگٸمٸز. بٸز وسى ٷش قۇندىلىقتى كٶزدٸڭ قاراشىعىنداي ساقتايمىز.
بابالاردان مۇرا بولعان قاسيەتتٸ جەرٸمٸز – ەڭ باستى بايلىعىمىز. قازاققا وسىناۋ ۇلان-عايىر اۋماقتى سىرتتان ەشكٸم سىيعا تارتقان جوق. بٷگٸنگٸ تاريحىمىز 1991 جىلمەن نەمەسە 1936 جىلمەن ٶلشەنبەيدٸ. حالقىمىز قازاق حاندىعى كەزٸندە دە, ودان ارعى التىن وردا, تٷرٸك قاعاناتى, عۇن, ساق دەۋٸرٸندە دە وسى جەردە ٶمٸر سٷرگەن, ٶسٸپ-ٶنگەن. قىسقاشا ايتقاندا, ۇلتتىق تاريحىمىزدىڭ تەرەڭ تامىرلارى كٶنە زاماننىڭ ٶزەگٸندە جاتىر. جالپى, تاريحپەن ساياساتكەرلەر ەمەس, تاريحشىلار اينالىسۋى كەرەك», - دەدٸ پرەزيدەنت.
مەملەكەت باسشىسىنىڭ ايتۋىنشا, شەكارا سىزىعىن رەسمي تٷردە حالىقارالىق شارتپەن بەكٸتٸپ, ونى ەلەم جۇرتىنىڭ مويىنداۋى سوڭعى بٸرنەشە عاسىردا ٷردٸسكە اينالدى. وعان دەيٸن قازٸرگٸدەي دەليميتاتسييا, دەماركاتسييا دەگەن ۇعىمدار بولماعان.
«بٸز شەكارا مەسەلەسٸن شەشۋمەن ناقتى اينالىسىپ جاتقان كەزدە كەيبٸر ساياساتكەرلەر مەن قوعام قايراتكەرلەرٸ «بٸز بۇعان اسىقپايىق», «كەيٸن دە كەلٸسۋگە بولادى» دەپ ارقانى كەڭگە سالعىسى كەلگەنٸ ەسٸمٸزدە. كەلٸسسٶزدەردٸ تاباندىلىقپەن جٷرگٸزٸپ, ٸرگەمٸزدٸ دەرەۋ قىمتاپ العانىمىز ٶتە دۇرىس بولعانىن ۋاقىتتىڭ ٶزٸ دەلەلدەپ بەردٸ. قازٸر كٸم نە ايتسا دا, بٸزدٸڭ ەكٸجاقتى كەلٸسٸمدەرمەن بەكٸتٸلٸپ, حالىقارالىق دەڭگەيدە تانىلعان شەكارامىز بار. ەندٸ وعان ەشكٸم داۋلاسا المايدى.
اۋماقتىق تۇتاستىعىمىزعا كٷمەن كەلتٸرٸپ, تاتۋ كٶرشٸلٸك قاتىناستارعا سىنا قاققىسى كەلەتٸن كەيبٸر شەتەل ازاماتتارىنىڭ ارانداتۋشىلىق ٸس-ەرەكەتتەرٸنە رەسمي جەنە قوعامدىق دەڭگەيدە تويتارىس بەرە وتىرىپ, اعارتۋشىلىق جۇمىستارىن ۇستامدىلىقپەن جٷرگٸزگەن جٶن. بٸز ۇلتتىق مٷددەنٸ اسپەن دە, تاسپەن دە قورعاۋعا دايىن بولۋىمىز قاجەتتٸگٸن تاعى دا باسا ايتقىم كەلەدٸ.
جوعارىدا ايتقانىمداي, شەكارامىز تولىعىمەن شەگەندەلدٸ. 2018 جىلى كاسپيي تەڭٸزٸنٸڭ قۇقىقتىق مەرتەبەسٸ تۋرالى كونۆەنتسيياعا قول قويىلعاننان كەيٸن قۇرلىقتاعى عانا ەمەس, تەڭٸزدەگٸ شەكارامىز دا بٸرجولا ايقىندالىپ, تٷپكٸلٸكتٸ شەشٸلدٸ», - دەدٸ پرەزيدەنت.
