قر پرەزيدەنتٸ قاسىم-جومارت توقاەۆ راديو قىزمەتكەرەلەرٸن قازاق راديوسىنىڭ 100 جىلدىعىمەن جەنە كەسٸبي مەرەكەمەن قۇتتىقتادى, دەپ حابارلايدى "ۇلت اقپارات".
«بارشاڭىزدى قازاق راديوسىنىڭ عاسىرلىق مەرەيتويىمەن قۇتتىقتايمىن! بۇل-بٷكٸل ەلٸمٸزگە ورتاق قۋانىش.
قازاق راديوسىنىڭ جىلناماسى – حالقىمىزدىڭ جٷز جىلدا جٷرٸپ ٶتكەن جولىنىڭ ايناسى. راديو العاش قۇرىلعان كٷننەن باستاپ ەل مٷددەسٸنە قىزمەت ەتٸپ كەلەدٸ. قازٸر دە تەۋەلسٸزدٸكتٸڭ قادٸر-قاسيەتٸ مەن ۇلتتىق قۇندىلىقتاردى جاستاردىڭ ساناسىنا سٸڭٸرۋگە سٷبەلٸ ٷلەس قوسۋدا.
بٸرنەشە بۋىن ۇرپاق ٷشٸن راديو اقپاراتتىڭ عانا ەمەس, رۋحانيياتتىڭ دا قاينار كٶزٸ بولدى. حالقىمىزدىڭ بٸرتۋار پەرزەنتتەرٸنٸڭ داۋىسى مەن ەن-كٷيلەرٸ قارا شاڭىراقتىڭ قازىنالى قورىندا ساقتاۋلى تۇر. بۇل - بٸزدٸڭ باعا جەتپەس اسىل مۇرامىز.
تەۋەلسٸزدٸگٸمٸزدٸڭ 30 جىلدىعىنا تۇسپا-تۇس كەلگەن بٷگٸنگٸ مەرەيتويدىڭ ورنى بٶلەك. بيىلدان باستاپ 1 قازان «راديو كٷنٸ» بولىپ بەكٸتٸلدٸ. مۇنىڭ ٶزٸ بۇل سالانىڭ اقپارات ايدىنىنداعى رٶلٸ ەرەكشە ەكەنٸن اڭعارتادى.
قازاق راديوسى كەلەشەكتە دە ماعىنالى ەرٸ مازمۇندى حابارلارىمەن ۇلتتىڭ جادىن جاڭعىرتىپ, مەملەكەتتٸگٸمٸزدٸ نىعايتۋعا اتسالىسا بەرەدٸ دەپ سەنەمٸن!
بارشاڭىزعا زور دەنساۋلىق, باق-بەرەكە, شىعارماشىلىق شابىت تٸلەيمٸن!», - دەلٸنگەن قۇتتىقتاۋدا.
