قازاقستان پرەزيدەنتٸ قاسىم-جومارت توقاەۆ گرۋزييانىڭ پرەمەر-مينيسترٸ مامۋكا باحتادزەنٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى مامۋكا باحتادزەنٸ الداعى گرۋزييانىڭ تەۋەلسٸزدٸگٸ كٷنٸمەن قۇتتىقتاپ, دوستاس گرۋزين حالقىنا جاقسىلىق پەن باق-بەرەكە تٸلەدٸ.
قاسىم-جومارت توقاەۆ ەكٸجاقتى ىنتىماقتاستىقتىڭ باستاۋىندا تۇڭعىش-پرەزيدەنت – ەلباسى نۇرسۇلتان نازارباەۆ تۇرعانىن اتاپ ٶتٸپ, ديپلوماتييالىق قاتىناستاردى ورناتقاننان باستاپ ونى دامىتۋعا ٶزٸ تٸكەلەي اتسالىسقانىن ايتتى.
– تۇڭعىش پرەزيدەنتٸمٸز – ەلباسىنىڭ گرۋزيياعا, سٸزدەردٸڭ باسشىلارىڭىزدىڭ قازاقستانعا جاساعان ساپارلارى ەسٸمدە. ەكٸ ەل اراسىنداعى ىنتىماقتاستىقتىڭ جاقسى دامىپ كەلە جاتقانىن ناقتى ايتا الامىز, – دەدٸ قازاقستان پرەزيدەنتٸ.
مەملەكەت باسشىسى قازاقستاننىڭ گرۋزييا ەكونوميكاسىنداعى نەگٸزگٸ ينۆەستورلاردىڭ بٸرٸ ەكەنٸن اتاپ ٶتتٸ. بٷگٸنگە دەيٸنگٸ سالىنعان ينۆەستيتسييانىڭ جالپى كٶلەمٸ 450 ميلليون دوللاردان اسقان.
– بٸز گرۋزييانى دوستاس مەملەكەت دەپ سانايمىز. ارامىزدا ەشقانداي شەشٸلمەگەن مەسەلە جوق. بٸزدٸڭ دەلەگاتسييالارىمىز حالىقارالىق ۇيىمداردا ٶزارا بەلسەندٸ ىنتىماقتاستىقتا جۇمىس ٸستەيدٸ. قازاقستاندا 60 مىڭعا جۋىق گرۋزين دياسپوراسى بار. ولار ەلٸمٸزدٸڭ تىنىس-تٸرشٸلٸگٸنە ٶتە بەلسەندٸ ەرٸ كونسترۋكتيۆتٸ تٷردە اتسالىسادى. سٸزدٸڭ بۇل ساپارىڭىز مەملەكەتتەرٸمٸز اراسىنداعى ىنتىماقتاستىقتىڭ ودان ەرٸ نىعايۋىنا تىڭ سەرپٸن بەرەدٸ دەپ سانايمىن, – دەدٸ قاسىم-جومارت توقاەۆ.
گرۋزييا ٷكٸمەتٸنٸڭ باسشىسى قازاقستان تاراپىنىڭ دەستٷرلٸ تٷردە جىلى قابىلداعانىن اتاپ ٶتٸپ, گرۋزييانىڭ ەگەمەندٸگٸ مەن اۋماقتىق تۇتاستىعىنا قاتىستى تۇراقتى ۇستانىمى جەنە حالىقارالىق دەڭگەيدە قولداۋ كٶرسەتكەنٸ ٷشٸن پرەزيدەنتكە جەنە قازاقستان حالقىنا ەرەكشە ريزاشىلىق بٸلدٸردٸ.
– ماعان قازاقستانعا جۇمىس بابىمەن بٸرنەشە رەت كەلۋدٸڭ سەتٸ تٷستٸ. حالىقتارىمىزدى كٶپعاسىرلىق دوستىقتىڭ ارقاۋى بايلانىستىرادى. بٸز مۇنى ماقتان تۇتامىز. قازاقستاننىڭ تۇڭعىش پرەزيدەنتٸ نۇرسۇلتان ەبٸشۇلى نازارباەۆتىڭ قارىم-قاتىناستارىمىزدى نىعايتۋعا قوسقان تاريحي رٶلٸ مەن ٶلشەۋسٸز ٷلەسٸن اتاپ ٶتكٸم كەلەدٸ, – دەدٸ م.باحتادزە.
كەزدەسۋ بارىسىندا ساۋدا-ەكونوميكالىق, گۋمانيتارلىق, تۋريزم جەنە ينۆەستيتسييا سالالارىنداعى ىنتىماقتاستىقتىڭ پەرسپەكتيۆالارى قاراستىرىلدى. سونداي-اق, تاراپتار كٶلٸك-ترانزيتتٸك, سونىڭ ٸشٸندە ترانسكاسپيي حالىقارالىق كٶلٸك باعدارى اياسىندا اقتاۋ جەنە قۇرىق پورتتارى ارقىلى قاتىناستاردى جانداندىرۋ مٷمكٸندٸكتەرٸن تالقىلادى.
