پرەزيدەنت قاسىم-جومارت توقاەۆ ەكونوميكالىق مەسەلەلەر جٶنٸندە كەڭەس ٶتكٸزدٸ, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆتىڭ تٶراعالىعىمەن ٶتكەن كەڭەستٸڭ كٷن تەرتٸبٸندە ەلٸمٸزدٸڭ 2023-2027 جىلدارعا ارنالعان ەلەۋمەتتٸك-ەكونوميكالىق دامۋىنىڭ بولجامى, سونداي-اق 2023-2025 جىلدارعا ارنالعان رەسپۋبليكالىق بيۋدجەت جوباسىنا قاتىستى مەسەلەلەر قارالدى.
كەڭەسكە پرەمەر-مينيستر ەليحان سمايىلوۆ, پرەزيدەنت ەكٸمشٸلٸگٸنٸڭ باسشىسى مۇرات نۇرتٸلەۋ, ۇلتتىق بانك تٶراعاسى عالىمجان پٸرماتوۆ, پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆ, پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى تيمۋر سٷلەيمەنوۆ, ەسەپ كوميتەتٸنٸڭ تٶراعاسى ناتاليا گودۋنوۆا جەنە ۇلتتىق ەكونوميكا مينيسترٸ ەلٸبەك قۋانتىروۆ قاتىستى.
پرەمەر-مينيستر ۇسىنعان ماكروەكونوميكالىق كٶرسەتكٸشتەر بويىنشا 2022 جىلى جالپى ٸشكٸ ٶنٸمنٸڭ ناقتى ٶسٸمٸ 3 پايىزدان كەم بولمايدى. ال 2023 جىلى 4 پايىزعا جەتەدٸ.
پرەزيدەنت ۇسىنىلعان ەلەۋمەتتٸك-ەكونوميكالىق دامۋ بولجامىنىڭ تەپە-تەڭدٸگٸن اتاپ ٶتتٸ. ٷكٸمەتتٸڭ دەرەكتەرٸنە سەيكەس, جالپى ٸشكٸ ٶنٸمنٸڭ نومينالدى ٶسٸمٸ بيىلعى 103,6 تريلليون تەڭگەدەن 2023 جىلى 120,7 تريلليون تەڭگەگە دەيٸن جەتەدٸ دەپ بولجانىپ وتىر. بولجام بويىنشا كەلەسٸ جىلى سالىق تٷسٸمدەرٸنٸڭ ارتۋى ەسەبٸنەن بيۋدجەتتٸڭ كٸرٸس بٶلٸگٸ 10,5 تريلليون تەڭگەدەن 13,5 تريلليون تەڭگەگە دەيٸن ۇلعايادى.
رەسپۋبليكالىق بيۋدجەت جوباسىنىڭ وڭ اسپەكتٸسٸ رەتٸندە ۇلتتىق قوردان كەپٸلدەندٸرٸلگەن ترانسفەرتتەردٸڭ 2022 جىلعى 4 تريلليون تەڭگەدەن 2023 جىلى 2,2 تريلليون تەڭگەگە دەيٸن كٷرت تٶمەندەۋٸن ايتۋعا بولادى. ماكروەكونوميكالىق تۇراقتىلىققا شيكٸزاتتىق ەمەس دەفيتسيتتٸڭ 2023 جىلى 8,3 پايىزدان 6,8 پايىزعا دەيٸن تٶمەندەۋٸ دە وڭ ەسەر ەتەدٸ.
جيىن سوڭىندا قاسىم-جومارت توقاەۆ ٷكٸمەت نازارىن تاعى دا قارجىنى تيٸمدٸ جوسپارلاۋ مەن ٷلەستٸرۋ قاجەتتٸلٸگٸنە اۋداردى. جالپى العاندا, پرەزيدەنت قازاقستان رەسپۋبليكاسىنىڭ 2023-2027 جىلدارعا ارنالعان ەلەۋمەتتٸك-ەكونوميكالىق دامۋىنىڭ ۇسىنىلعان بولجامىن جەنە 2023-2025 جىلدارعا ارنالعان رەسپۋبليكالىق بيۋدجەت جوباسىن كەڭەس بارىسىندا تالقىلانعان مەسەلەلەردٸ جەتٸلدٸرۋدٸ ەسكەرتە وتىرىپ, قولدادى.
