مەملەكەت باسشىسى قاسىم-جومارت توقاەۆ بولگارييانىڭ ۆيتسە-پرەزيدەنتٸ يلييانا يوتوۆانى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا تاراپتار ەكٸ جاقتى ىنتىماقتاستىقتىڭ قازٸرگٸ جاي-كٷيٸ مەن پەرسپەكتيۆالارىن, ونىڭ ٸشٸندە بولگارييا پرەزيدەنتٸ رۋمەن رادەۆتىڭ نۇر-سۇلتانعا كەلەر جىلعى ساپارىن تالقىلادى.
قاسىم-جومارت توقاەۆ قازاقستان مەن بولگارييا اراسىنداعى جان-جاقتى قارىم-قاتىناستى ودان ەرٸ كەڭەيتە بەرۋگە نيەتتٸ ەكەنٸن بٸلدٸردٸ.
پرەزيدەنتتٸڭ ايتۋىنشا, قازاقستان بولگاريياعا ساۋدا-ەكونوميكالىق ەرٸپتەستٸك تۇرعىسىنان دا, ەۋروپا وداعىمەن ٶزارا ٸس-قيمىل باعىتى بويىنشا دا قىزىعۋشىلىق تانىتادى. ەكٸ ەل اراسىنداعى قارىم-قاتىناستاردىڭ دامۋىنا حالقىمىزدىڭ اجىراماس بٶلٸگٸنە اينالعان بولگار دياسپوراسىنىڭ قوساتىن ٷلەسٸ زور.
– قازاقستاننىڭ جەرٸندە بولگار حالقىنىڭ بەسٸنشٸ بۋىنى ٶمٸر سٷرٸپ جاتىر. بٸز بولگار حالقىنا ٷلكەن قۇرمەتپەن قارايمىز, بولگارييامەن اراداعى ىنتىماقتاستىعىمىزدى جوعارى باعالايمىز, ەكٸ ەل اراسىنداعى قارىم-قاتىناس تابىستى دامۋدا,– دەدٸ مەملەكەت باسشىسى.
قازاقستان كٶشباسشىسى قازٸرگٸ ۋاقىتتا بولگارييامەن ٶزارا ٸس-قيمىلداردى جاڭا ساپالى دەڭگەيگە كٶتەرۋگە قولايلى جاعداي قالىپتاسقانىن اتاپ ٶتتٸ. ٶز سٶزٸندە قاسىم-جومارت توقاەۆ ەكٸجاقتى قارىم-قاتىناستارعا تىڭ سەرپٸن بەرەتٸن پەرسپەكتيۆالى باعىتتاردى ەزٸرلەۋ ٷشٸن ٷكٸمەتارالىق كوميسسييانىڭ جۇمىسىن جانداندىرۋ ماڭىزدى ەكەنٸن ايتتى.
ٶز كەزەگٸندە بولگارييانىڭ ۆيتسە-پرەزيدەنتٸ مەملەكەتتەر اراسىنداعى, ونىڭ ٸشٸندە ەۋروپالىق وداق بويىنشا دا ىنتىماقتاستىقتى ودان ەرٸ دامىتۋعا بەيٸلدٸ ەكەنٸن بٸلدٸردٸ.
يلييانا يوتوۆانىڭ سٶزٸنشە, بٷگٸندە قازاقستان قاسىم-جومارت توقاەۆتىڭ 2019 جىلدىڭ قىركٷيەگٸندەگٸ جولداۋىندا ايتىلعان اۋقىمدى رەفورمالاردى جٷزەگە اسىرۋ جاعىنان ٷلكەن جەتٸستٸكتەرگە قول جەتكٸزدٸ. ونىڭ ويىنشا, اتالعان باعدارلامانى ٸسكە اسىرۋ حالىقتىڭ ەل-اۋقاتىن ارتىرۋعا, ٷكٸمەت پەن ازاماتتىق قوعام اراسىنداعى ديالوگتى قالىپتاستىرۋعا زور ىقپال ەتەدٸ. بولگارلىق ساياساتكەر مەملەكەت باسشىسىنىڭ ۇلتتىق قوعامدىق سەنٸم كەڭەسٸن قۇرۋ تۋرالى يدەياسىنا قىزىعۋشىلىق تانىتتى.
سونىمەن قاتار يليانا يوتوۆا ەتنوسارالىق كەلٸسٸمنٸڭ قازاقستاندىق مودەلٸن جوعارى باعالاپ, بولگار دياسپوراسى قازاقستاننىڭ دامۋىنا ەلەۋلٸ ٷلەس قوسا بەرەتٸنٸنە سەنٸم بٸلدٸردٸ.
كەزدەسۋ سوڭىندا بولگارييانىڭ ۆيتسە-پرەزيدەنتٸ پاۆلودار وبلىسىنا بارىپ, وندا جەرگٸلٸكتٸ بولگار ەتنوسى ٶكٸلدەرٸمەن كەزدەسۋدٸ جوسپارلاپ وتىرعانىن ايتتى.
