اقوردا رەزيدەنتسيياسىندا ٷش مەملەكەتتٸڭ قايتا تاعايىندالعان تٶتەنشە جەنە ٶكٸلەتتٸ ەلشٸلەرٸنٸڭ قازاقستان پرەزيدەنتٸنە سەنٸم گراموتالارىن تاپسىرۋ رەسٸمٸ ٶتتٸ.
بۇل تۋرالى "ۇلت اقپارات" اقوردانىڭ رەسمي سايتىنا سٸلتەمە جاساپ حابارلايدى.
سەنٸم گراموتالارىن لاتۆييا رەسپۋبليكاسىنىڭ ەلشٸسٸ يرينا مانگۋلە, تٷرٸكمەنستان ەلشٸسٸ باتىر رەدجەپوۆ جەنە تايلاند كورولدٸگٸنٸڭ ەلشٸسٸ چاتچاۆان ساكورنسين تابىستادى.
قاسىم-جومارت توقاەۆ ەلشٸلەردٸ قازاقستانداعى ديپلوماتييالىق ميسسييانىڭ رەسمي تٷردە باستالۋىمەن قۇتتىقتاپ, ولاردىڭ مول تەجٸريبەسٸ مەن كەسٸبي بٸلٸكتٸلٸگٸ دوستاس حالىقتاردىڭ ەرتٷرلٸ سالالار بويىنشا جاقىنداسا تٷسۋٸنە ىقپال ەتەدٸ دەپ سەنەتٸنٸن جەتكٸزدٸ. مەملەكەت باسشىسى پرەزيدەنت ەكٸمشٸلٸگٸ مەن ٷكٸمەت تاراپىنان ەلشٸلەردٸڭ يگٸلٸكتٸ ميسسيياسىن ورىنداۋعا تولىق قولداۋ ەرٸ كٶمەك كٶرسەتٸلەتٸنٸن ايتتى.
قاسىم-جومارت توقاەۆ يرينا مانگۋلەمەن ەڭگٸمەلەسۋ بارىسىندا قازاقستان لاتۆييا رەسپۋبليكاسىمەن اراداعى ەجەلدەن بەرٸك دوستىققا, تەرەڭ تاريحي بايلانىستارعا جەنە مٷددەلەرگە نەگٸزدەلگەن قارىم-قاتىناستاردى جوعارى باعالايتىنىن اتاپ ٶتتٸ. مەملەكەت باسشىسى ەكٸ ەل اراسىنداعى ەكٸجاقتى بايلانىستاردىڭ جىلدام دامىپ كەلە جاتقانىن ايتىپ, ساۋدا-ەكونوميكالىق ىنتىماقتاستىق جٶنٸندەگٸ ٷكٸمەتارالىق كوميسسييانىڭ جۇمىسىنا ەرەكشە توقتالدى.
– قازاقستان لاتۆييامەن كٶپ جوسپارلى ىنتىماقتاستىقتى, اتاپ ايتقاندا, كٶلٸك جەنە لوگيستيكا, ەنەرگەتيكا, جاڭارتىلاتىن ەنەرگييا كٶزدەرٸ, جاڭا تەحنولوگييالار سالالارى بويىنشا ىقپالداستىقتى ودان ەرٸ كەڭەيتۋگە مٷددەلٸ, – دەدٸ قازاقستان پرەزيدەنتٸ.
قاسىم-جومارت توقاەۆ باتىر رەدجەپوۆپەن ەڭگٸمەلەسۋ كەزٸندە تٷرٸكمەنستان ىقىلىم زاماننان بەرٸ قازاقستاننىڭ تاتۋ كٶرشٸسٸ ەرٸ باۋىرلاس ەل ەكەنٸن اتاپ ٶتٸپ, تەۋەلسٸزدٸكتٸڭ 30 جىلى ٸشٸندە ەكٸ مەملەكەت تە شىنايى ستراتەگييالىق ەرٸپتەستٸك قاتىناس ورناتقانىن ايتتى. مەملەكەت باسشىسى «كاسپيي بەستٸگٸ», ارالدى قۇتقارۋ جٶنٸندەگٸ حالىقارالىق قور جەنە ەكونوميكالىق ىنتىماقتاستىق ۇيىمى اياسىنداعى بٸرلەسكەن جۇمىستاردان زور ٷمٸت كٷتەتٸنٸن جەتكٸزدٸ. بۇل رەتتە, مەملەكەت باسشىسى تٷرٸكمەنستان كٶشباسشىسى گۋربانگۋلى بەردٸمۇحامەدوۆتٸڭ كاسپيي سامميتٸن اشحابادتا ٶتكٸزۋ جٶنٸندەگٸ ۇسىنىسىن قولدايتىنىن ايتتى.
– بٸز بارلىق باعىتتار بويىنشا ەكٸجاقتى كووپەراتسييانى ۇلعايتۋعا مٷددەلٸمٸز. كٷش-جٸگەرٸمٸزدٸ بٸرٸكتٸرە وتىرىپ, جاقىن ارادا ەكٸجاقتى ساۋدا اينالىمىن ايتۋلى مەجەگە دەيٸن, ياعني, 1 ميلليارد دوللارعا جەتكٸزۋگە مٷمكٸندٸگٸمٸز بار, – دەدٸ قاسىم-جومارت توقاەۆ.
پرەزيدەنت تايلاند كورولدٸگٸمەن ەكٸجاقتى قاتىناستار جايىندا ايتا كەلٸپ, بۇل ەلمەن ٶزارا ىقپالداستىق قازاقستاننىڭ ازييا باعىتىنداعى سىرتقى ساياساتىنىڭ اجىراماس بٶلٸگٸ ەكەنٸن اتاپ ٶتتٸ. قاسىم-جومارت توقاەۆ ەكٸجاقتى جەنە كٶپجاقتى فورماتتاعى, ونىڭ ٸشٸندە, بٸرٸككە ۇلتتار ۇيىمى مەن ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس شەڭبەرٸندەگٸ بايلانىستاردىڭ تابىستى دامىپ كەلە جاتقانىنا نازار اۋداردى.
– بٸز پاندەمييادان كەيٸنگٸ كەزەڭدە ەكونوميكالىق جەنە كوممەرتسييالىق بايلانىستارىمىزدى نىعايتۋ ماقساتىندا تايلاند كورولدٸگٸنٸڭ ٷكٸمەتٸمەن جەنە تاي كومپانييالارىمەن ىنتىماقتاستىق جاساسۋعا مٷددەلٸمٸز, – دەدٸ مەملەكەت باسشىسى.
سالتاناتتى رەسٸم سوڭىندا قاسىم-جومارت توقاەۆ لاتۆييا پرەزيدەنتٸ ەگيلس لەۆيتسكە, تٷرٸكمەنستان پرەزيدەنتٸ گۋربانگۋلى بەردٸمۇحامەدوۆكە جەنە تايلاند كورولٸ ماحا ۆاچيرالونگكورنعا جٷرەكجاردى سەلەمٸ مەن يگٸ تٸلەگٸن جولدادى.
شەتەلدٸك ەلشٸلەر پرەزيدەنتكە ٶز ەلدەرٸ مەن قازاقستان اراسىنداعى ىنتىماقتاستىقتى ودان ەرٸ نىعايتۋعا بار كٷش-جٸگەرٸن جۇمىلدىراتىندارىن ايتتى.
